[د0تامر محمد]

خـــــــــــــاص بـمـنـتـــــدى مـــصـــــــر مـــوتـــــــــــــــورز و غير مسموح بالنقل او الأقتباس الا عن طريق استئذان كاتب الموضوع ..... و كاتب هذا الموضوع له حق امام الله لو تم نقل او اقتباس الموضوع بدون معرفته ..... و لكم جزيل الشكر ,,,,


حلقات
جريمة اليوم
*ألغاز بوليسية مسلسلة كل يوم جريمة وعليكم حلها مع مفتش المباحث العقيد عادل دهب ومساعده المقدم سعيد فضة
*ينشر الحل الصحيح قبل الحلقه التالية
*نرجو من الادارة الكريمة رصد جائزة تشجيعيه للفائز بالقرعه ولو نقاط تشجيعيه لمزيد من الاثارة
-------------------
الحلقه الاولى
---------
شادر الخشب
---------
الحاج ابراهيم تاجر أخشاب كبير تعرض مخزنه للسرقه بالامس وبعد ابلاغه للشرطه كان فى مكان الحادث العقيد عادل دهب ومساعده المقدم سعيد فضه
ومنذ أول لحظه بدا لهما ان أقتحام المخزن لم يكن بالقوة فلا يوجد كسر بالباب الرئيسى ولا عنف أقتحام!
مما يعنى ان المخزن قد فتح بالمفتاح ولما كان المفتاح من نسختين
الاولى مع الحاج ابراهيم والثانيه مع العامل حفناوى
ولما سأل العقيد دهب الحاج أجاب:
-حفناوى رجل مخلص وفوق الشبهات
-كان فيه خشب قد ايه فى المخزن يا حاج
-حوالى 250 متر يا بيه
-كتير00!!
-انا اتخرب بيتى وعليا للناس والامل فى السداد كان من فلوس البضاعة دى
-ربنا يسهل ياحاج
وبعد البحث وسؤال كل العاملين والمتعاملين مع الشادر انحصرت الشكوك فى أربعة أشخاص
الاول: حفناوى العامل
الثانى:طناوى مساعده
الثالث:جعفر الشيّال
الرابع:فتّوح الغفير
وبعد سؤالهم عن الجريمة التى تمت بعد الفجر قالوا
قال حفناوى:
-أنا لحم كتافى من خير الحاج وعمرى ما أسرقه ده أنا فداه
ده حتى امبارح جاب لى جلبيه جديدة
وامبارح أنا رحت صليت الفجر ورجعت للبيت كملت نوم
وقال طناوى:
-انا كنت فى بيتى من الساعه12 وانا راجل وحدانى بدخل انام لحد الصبح00 والحاج ده اكرم راجل كفايه انه دبر لى مطرح قريب من الشادر اعيش فيه
قال جعفر:
-انا كنت مسافر مع حمولة الى دمياط ورجعنا من هناك الفجر وروحت على البيت طوالى00ربنا يفك ضيقتك ياحاج
قال فتوح:
الحاج ده راجل كريم وصاحب واجب وجمايله مغرقانى من يومين جاب لى شال جديد وامبارح بليل جاب لى شاى وسكر وبن ربنا يعمر بيته
امبارح يابيه كنت سهران زى العاده ومعايا غفير العماره الجديده اللى جنبنا سهر معايا شويه وبعدين مشى عملت كوبايه شاى 00وبعدين رحت فى النوم ومدريتش بحاجه الا الصبح وانا نومى تقيل سعادتك
سأل العقيد مساعده:
-ايه رايك؟
-حاجه تحير سعادتك
-أنا عرفت الى سرق 00ركز شويه وأنت تعرف

*الحل فى الحلقه القادمه والى اللقاء


خـــــــــــــاص بـمـنـتـــــدى مـــصـــــــر مـــوتـــــــــــــــورز و غير مسموح بالنقل او الأقتباس الا عن طريق استئذان كاتب الموضوع ..... و كاتب هذا الموضوع له حق امام الله لو تم نقل او اقتباس الموضوع بدون معرفته ..... و لكم جزيل الشكر ,,,,