رد: كمبروسر الهواء المحمول... إستفسار عن تجارب؟؟؟؟؟
السلام عليكم
زى ما وعدتكم أنى هتابع الموضوع تانى
نزلت التوفيقية و لاقيت معظم التجار هناك شغالين على أبو بساتم
واحد , و واحد و نص, و إثنين بستم
تقريباً أبو بالونة أثبت فشله و عمل مشاكل كتير, و بالتالى قالوا نشتغل فى الصح.
(برضه أبو بالونه لسه موجود بس البساتم منتشر أكتر و مكسبه أحسن)
المهم: سألت عند مليون واحد على الأسعار, تقريباً موحده مفيهاش غير 5 جنية فرق و مش عند كله.
الواحد بستم بـ 145 جنية
الواحد و نص (رغم أنى مش معترف بيه) بـ 180
اللإثنين بـ 250 و ده ليه خرطوم نفخ ملون (مش إسود) و طوييييل و شكله حلزونى(من اللف)
فى أنواع نازله كلها معدن بس صغيرة و بيقولوا عليها برضه واحد بستم, بس طبعاً بالونه.
دخلت على واحد حاطط 3 معدن أحجام مختلفة جنب بعض.
- عندك واحد بستم؟
- كل دول (الـ 3)
- قلبت فيهم لاقيت أصغر نوع شبه أكبر نوع فى الشكل.
الفرق فى شكل مؤشر الضغط (فى الكبير ليه تدريجين خارجى و داخلى و لحد 150)
و فى الصغير لحد 100بس, و مكتوب عليه بينفخ حتى 150 !!!) و ده شكله فى الصورة الـ 3 (أضغر صورة إللى فيه كشاف أحمر برتقالى)
و الوسط إللى لونه أصفر نحاسى (اللى صورته فى بداية الموضوع آخر واحد لونه أصفر)
من الآخر:
مفيش حاجه إسمها بستم و نص
يا إما 1 بستم بـ 145 (بعد 150 بالعافيه) و ده لمعظم العربيات العادية (ضغط 35 فى 1 دقيقة - 40 د عمل متواصل)
يا إما الـ2 بستم بـ 250
(للأتوبيسات و ال4*4, إللى محتاجه ضغط عالى)
غير كده يبقى أى كلام.
المهم كله: لاااااازم و أنت بتشغل أى كمبروسر تشغله متقطع (يعنى مش شغل نفخ متواصل, ده بيحافظ علية و يخليه ميسخنش)
يعنى 30 ثانيه و أطفيه يرتاح شوية و شغل تانى.
========================= ==========
|