رد: سنه اولى سيارات
العفشه؟ كتعريف و فائده و مكونات ؟
العفشة Suspension system أو منظومة التعليق الغرض الاساسى منها هو تقليل الإهتزازات من الطريق الى الراكب و زيادة مستوى الراحة للركاب
و بتتكون العفشة بصفة عامة من شوية اجزاء
المقصات و الصب فريم و المساعدين و السوست و تعتبر المساعدين و السوست أهم أجزاء العفشة على الرغم من إن الأجزاء الاخرى لا تقل اهمية عنهم
و الصب فريم هوا اللى بيجمع العفشة أو بمعنى أدق كل حاجة مربوطة فيه
المقصات و علبة الدريكسيون و قواعد المحركو كمان الإستبلايزر
بالنسبة للمقصات الأسم باللغة الإنجليزية Swing arms يعنى الاذرع المتارجحة و ده عشان من ناحية بتتربط ببيضة فى الشمعدان و من الناحية التانية فيها جلبة و بتتربط فى الصب فريم
و بإختصار عند الفرملة بيحصل load transfer يعنى إنتقال الحمل من الخلف للأمام ( زى اللى بيحصل لو حضرتك راكب اتوبيس و السواق ضرب فرامل مرة وحدة هتلاقى نفسك بقيت عند السواق أدام ) و المسؤل عن تحمل القوى و الإجهادات فى الإتجاه ده المقصات
__________________
اللهم انزل نورا من نورك عليه
اللهم نور له قبره ووسع مدخله وآنس وحشته
اللهم ارحم غربته وارحم شيبته
اللهم اجعل قبره روضة من رياض الجنة . لا حفرة من حفر النار
اللهم أغفر له وارحمه واعف عنه واكرم نزله
|