[moslem2]

اخى الفاضل
بالنسبه للسعر انا صاحبى كان شاريها فى شهر 7 الى فات ب 49900 وده كان عرض تقريبا وصاحبى اشتراها لما شافها معايا لانى كنت مأجرها لمدة شهر وهى لها مميزات كتير بس طبعا لما بتبقى راكب عربيه ماجرها غير لما تشترى يعنى مثلا اهم مميزتها انها عاليه عن الارض اكتر من البيكانتو وال i 10 والغزاله يعنى هى الاعلى فى فئتها وتانى ميزه سحبها ممتاز لان الماتور 1300 عالحجم ده ففوق الممتاز والتكييف تلاجه والصالون واسع وطبعا مفيش مشكله لا فى الزحمه ولا فى الركنه ده طبعا مع كل الكماليات من سنتر ووحدات رفع وسى دى ومرايات كهربا وتكييف
دى المميزات.........ز
العيوب بقى ياباشا
اول حاجه زى ماقال الاخوه الاعضاء ان الصينى زى البطيخه وشوفنا مشاكل كتير هنا فى المنتدى للصينى
تانى حاجه وانا سايقها حصلت مشكله وانا سايق وبدوس فرامل لقيتها هربت وروحت شيكت لاقيت زيت الفرامل ناقص وده صعب جدا فى عربيه جديده ان الزيت ينقص بالطريقه دى والحمد لله ربنا ستر ان انا كنت مهدى قبلها .
تالت حاجه الله اعلم بعد 4 او 5 سنين العربيه هتبقى عامل ايه فى السوق.
انا كنت ماجرها فالبنسبه للايجار واحتياجاتى كانت ممتازه لكن لو بشترى اكيد كنت فكرت كتير وقارنت مع لوجان او فيرنا كسر زيرو