[بيرو]

شكرا ابو نورا

بالنسبة الى تجربتى مع الاتوماتيك كانت فى عربية ميتسوبيشى جالانت موديل 90 العربية صالونها حكاية واسع جدا ومريح وثباتها كان كويس جدا

لكن الفتيس كان اوتو ومشكلتة انة وانت طالع بالعربية وطول ما انت بتزود سرعة مفيش مشكلة لكن لما تهدى السرعة ويبتدى ينقل لتحت بين التالت والتانى كنت تسمع صوت رزعة جامدة فى العربية

دة طبعا بالاضافة الى عيوب تانية فى الجالانت عموما ان موتورها تعبان اوى بيسخن بطريقة صعبة جدا لدرجة انى اتحرقت من الردياتير مرة
وحاولت كتير انى اقدر اسيطر على العيب دة بدون فايدة لدرجة انى غيرت الرادياتير كلة مع انة كان جديد
وفى الاخر بعتها وخسرت فيها كتير لكن انا كنت مبسوط جدا انى خلصت منها

على فكرة انا مش عايش فى مصر انا فى طرابلس - ليبيا

وهنا كل الناس بيقولو عايز تشترى ميتسوبيشى اشترى لانسر وابعد تماما عن الجالانت لانها فاشلة جدااااا
نفس الشىء فى الدايو عايز تشترى اشترى نوبيرا وابعد تماما بردو عن اليجانزا لانها بردو فاشلة جدا

هنا مثلا تلاقى العربية النوبيرا ب 7000 دينار ليبي وتلاقى اليجانزا اللى اكبر واحسن واوسع ب 2500 دينار ومحدش يرضى يشتريها
طبعا مستعمل مش جديد

ما عالينا

انا اسف على التطويل وكلامى عن الميتسوبيشى مع ان الكلام عن الدايو هنا لكن شىء بالشىء يذكر

سلام