المشاركة الأصلية كتبت بواسطة hyundai2005
يا جماعه والله انا متابع الموضوع من اوله ومش عايز اشارك لان الموضوع زايد قوي عن حده برجاء حذف الموضوع والغاء قسم 25 يناير نهائي احنا موقع مصر موتورز متخصص فالسيارات مش فالسياسه وارجو ان ثورتنا اللي حققت احلامنا متبقاش سبب نخسر بيه بعض الثوره خدت لنا حقوقنا المسلوبه باقي الحقوق اللي علينا تجاه بلدنا وطبعا كان في كلام عشان مصر فري فياريت يتنفذ ونستأصل السياسه خالص من مصر موتورز لانها سبب فكتير من المشاحنات والمشاكل بغض النظر عن اختلاف وجهات النظر وفي الاخر كلنا اخوات وبعدين الشهيد مش منتظر وضع اسمه علي ميدان ولا ادراجه في قائمه الشهداء الناس كانت بتتسارع الي الشهاده عشان ربنا والوطن وبس مش عشان التعويض الشهيد لا يعوض ولا بمال قارون يبقي مش مهم اعرف ان فلان شهيد كفايه ربنا اعلم بيه وهو ده التكريم الرباني اللي مش محتاج قائمه وربنا يرحم جميع شهدائنا يارب
تقبلوا كلامي بصدر رحب |
حبيت اخليها اخر مشاركه لعل وعسي ان يتم غلق الموضوع