عاوز أشد العربية (ميكانيكا - كهربا - عفشه)... أرجو المساعدة
السلام عليكم
كان ليا طلب, رغم إنى طلباتى كترت و جمايلكم تقلت , بس برضه مش هقدر أستغنى عنكم.
أنا لسه شارى عربيتى من شهر تقريباً. (لادا 2105 - 82), و محتاج أشدها. أنا عاوز أعرف اللى المفروض أغيره, يعنى الفلاتر و السيور و إية الحاجات اللى ممكن تتنضف و الخراطيم اللى أبص عليها, و أشد إية فى العفشه. و الكهربا أقول للراجل يراجع على الضفيرة كلها و لا إيه؟؟؟؟؟؟
- هيا الحمد لله ماشيه.صحيح بتطلع دخان أبيض و الميكانيكى قال نص عمرة. بس أنا بفكر أمشى بيها لحد ما الماتور يموت و أجيب واحد إستيراد, و لا رأيكم أشوف الـنص عمرة أحسن؟ - خايف الموضوع يفتح منّى, و ساعتها الميكانيكى هيتأمر عليا.
- هيا محتاجة سمكرة و دوكو بس أنا مش عاوز أبدأ فيه غير بعد شدها داخلياً.
منتظر آرائكم و نصايحكم بفارغ الصبر, جزاكم الله خيراً
|