المشاركة الأصلية كتبت بواسطة mik
فكر في bmw e30 انا عن نفسي امنية حياتي اني اركبها
في منها كوبية 2 باب وفي 4 باب سيدان حسب زوئك
وقطع الغيار في حدود اسعار الكوري ويمكن ارخص(الاستيراد بحالة ممتازة) مع ميزة طول عمرها اضعاف الكوري
يمكن لو هتسقطلها موتور احدث من موديلها 10 سنين يعني هي موديل 88 لو هتسقط 97 هتلاقية استيراد 1800 سيسي ب3500 كامل
طيب يا باشا شكرا طبعا لردك بس نبدء من الاول
يعنى اية e30 اساسا؟؟؟؟
تعامل معايا بموديل 85 او موديل 88 وهكذا بلاش مسميات لانى لسة معملتش سيرش ولا ويكى عليها وشوفت الحاجات دى
خليك معايا كدا واحدة واحدة وقولى
من 25 ل28 تجيب اية حالتها حلوة ومن غير تسقيط موتور لانى مش دماغى فى الحاجات دى ولا فاضى بصراحة عايز اشترى ادور وامشى واعملها الصيانه الوقائية العادية موش اكتر.....
وطبعا تفضل العربية تكون 4 باب عائلية يعنى لانى متجوز وكدا
. |
المشاركة الأصلية كتبت بواسطة mmffor
دي اللي هي الشارك؟
اعتقد ام الشارك في حدود ال 25 الف
لان ال ام 40 في الاربعينات
|
دخلنا فى الالغاز هههههههه شارك وشوية m40 احنا عايزين موضوع يكون موضح فى كل موديلات ال بى ام بالاختصارات بتاعتها
المشاركة الأصلية كتبت بواسطة mik
علفكرة مفيش حاجة اسمها ام 40 اصلا
دا اسم موتور
ومجازا كدا لما حد بيبق معاة e30 مثلا ويسقطلها ام 40 بيقول عليها ام 40
والماتور الاسود هو من بداية 1995 يعني قبل كدا متلاقيش
والموتور الاسود استيراد مش غالي اصلا سعرة من 3000 ل 3500
يعني مش تهتم اوي بالموتور الي في العربية اهم حاجة متكنش مغيرة نص او ربع او فيها لعب في الشاسية
ولو عربية موتورها ميت وصاجها وشاسية نضيف خدها هتاخدها بسعر كويس وتسقط موتور كويس عليها مع عفشة كويسة لو هتحط موتور اكبر من بتاعها
لو هتجيب موتور نفس السعة بس احدث مظنش هتحتاج تغير عفشة بس العفشة تغيرها مفيد حتي علي الموتور الاصلي
العربية دي من اجمل العربيات بصراحة وحتي قطع غيارها متوفرة استيراد وفي مستوي اسعار الافيو مثلا
|
ودى هنكشف على العربية ازاى بقة؟؟؟ينفع تروح التوكيل يتكشف عليها مهما كان موديلها؟؟؟ولا البنزينه بتعرف مغيرة ولا لا؟؟
لان الكل بيقلق زى ما قريت من موضوع النص والربع والحاجات الى فى الشاسية
*************
بالنسبة لحته الموتوسيكل الصينى دى فـ ماشى ماشى ماشى...اتريق اتريق...هم كل بتوع البى ام كدا بيتريقوا على التانيين هههههههههههههههههه