[sharooo]

المشاركة الأصلية كتبت بواسطة قوت القلووب ميغسي مسيو شارو واضح أن ماالها حل ولزم انها تروح التوكيل أو أذ جمال مهران يقدر يحلها . هلء في أشي بدي افهمه , لما شحنت البطاريه ضلت يوم شغاله ويشتغل الاكنترول والسنتر وأمس وقفت تاني . هل منشان العربيه ماتتحرك فرغت البطاريه تاني وهتصير تاني أذ اتصلحت العربيه وركنتها اكتر من يوم ولا هي فيها مشكله وبدها تتغير . ( هي نوعها جاف ) . كمان صار أشي كمان أني فوجئت أن الكوشت الامامي فرغ وبده يتغير ,, هل هيدي كمان من وقفه السياره ولا شي طبيعي . ثانكس

السلام عليكم
شوفي حضرتك..امدام البطاريه فضيت تاني يبقى في 3 احتمالات:
1-البطاريه تالفه وتحتاج تغيير
2-الكهربائي مغيرش الحامض بتاعها ومشحنهاش كويس
3-حضرتك ناسيه حاجه كهربائيه غير لمبه الصالون شغاله وهي بتسحب البطاريه.
4-حضرتك حاولتي تشغلي العربيه كتير جدا لدرجه ان البطاريه فضيت
وعشان نحكم الموضوع حضرتك مشكوره هتودي البطاريه لكهربائي تاني يغير حمض للبطاريه وتتشحن (ده طبعا لو كانت سايله لكن لو بطاريه جافه مش هيغيرلها حامض ..هيشحن على طول)..وتكلفه تغيير الميه والشحن في حدود 10 الى 20 جنيه(ده غير اكراميه الصبي الي هينقل البطاريه من والى السياره) وبعد الشحن تجربي ولو البطاريه كويسه افصلي الكابل بتاعها وسيبيها وتاني يوم وصليها تاني وجربي لو اشتغلت تبقى سليمه وهيكون المشكله عندك ان فيه حاجه تانيه بتسحب البطاريه .ولو وصلتيها تاني يوم و لقتيها فاضيه يبقى العيب فيها

*بالنسبه للاطار الي فضي من الهوا..ده طبيعي من ركنه العربيه لفتره طبعا مع البرد الي احنا فيه بيؤدي ل كده.عشان كده انا جبت منفاخ طوارئ ومخليه في العربيه عشان ماضطرش اني لفك واغير اي اطار..بنفخه واروح بالعربيه لبتاع اصلاح الاطارات وهو يتعامل ويحل الموضوع..ممكن حضرتك تشتري واحد من اي هيبر ماركت (بيبدا سعره من 60 جنيه)

واخيرا كلها ابتلاءات وطبيعي جدا ان العربيه تشيلنا اوقات كتير وتكون اصيله ...لكن في وقت لازم نشيلها فيه. وانا رايي زي ما قلتلك كلمي جمال وانشاء الله النتيجه هتكون ايجابيه جدا(او على الاقل مش هتكون سلبيه)