اولاً هي اوتو او بمعني اصح steptronic
ثانياً مش عارف و الله ايه سبب التاخير بس كل الناس اللي كانت حاجزه فى تبع الموزع ده حصل معاها كده يعني مكنتش استثناء
ثالثاً انا جبتها بترولي بصراحه شكله رائع لما تبقي العربيه مغسوله و نظيفهي
رابعاً انا اللي كنت مختار اللون و كنت مختاره فضي فى البدايه و فعلاً العربيه جت فضي بس لما رحت استلم كان معايا واحد صاحبي لعب فى دماغي و قالي هات بترولي شيك و انا كمان كنت معجب بيه جداً علشان فيه تباين مع قطع الكروم و كمان فاتح مش غامق يكتم الحراره و يلم تراب فتوكلت علي الله و جبت بترولي بس بجد لون محترم و عملي
خامساً و دي اهم نقطه و اكتر نقطه كنت خايف منها و انا رايح استلم و هي هل العربيه فيها الكاسيت الجديد و لا القديم و الحمد لله الذي انعم علينا من فضله طلعت الكاسيت الجديد و فيه خاصيه التوصيل بالموبايل كمان و ال usb و فيه bluetooth للتحكم عن بعد
سادساً النقطه السلبيه اللي لازم ينكدو عليك بيها و هي ان الورق بتاع العربيه لسه مخلصش و قالي جاي فى خلال 4 او 5 ايام يعني اسبوع من الاخر يعني بس لازم يحور
و اخيراً كفايه عليك كده انت كمان حبه الاجابات دي
و اخر حاجه بقي عايز اقولكم انا لما سوقت العربيه كنت بجد كنت مستكنيس
علي الاخر ما شاء الله علي العفشه بجد روعه اكتر حاجه تلفت انتباه اي حد لما يركب العربيه دي النقر بتاعت الطريق المصري و المطبات العربيه بتتعامل معاها بابداع و كمان العربيه عاليه من ورا يعني لو حملت 5 حتي مفيش مشكله علي عكس عربيات في فئات اعلي زي مثلاً النترا 2012 مع حد اعرفه بتحك من ورا لما يكون محمل و جابلها علايات مع انها لسه جديده
و متسوش تدعولي بعد الرغي ده كله من فضلكم