عرض مشاركة واحدة
  #58  
قديم 30-01-2017, 06:28 PM
الصورة الرمزية E.M
E.M E.M غير متواجد حالياً
 
تاريخ التسجيل: Nov 2016
المشاركات: 5
E.M is on a distinguished road
افتراضي رد: اى استفسار عن شركة كونتكت

السلام عليكم أ/ حسن, أعتبرني أخوك الصغير وهتكلم معاك بكل تلقائية وشفافية..

كلام سيادتك بخصوص مصاريف الأستعلام..

اخترعوا طريقة جديدة للنصب بيسرحوا المندوبين و يبقى عندهم 20-30 معاينة فى اليوم و ياخدوا من كل معاينة 200 جنية رسوم استعلام
أولاً.. اول مرحلة هي ملأ طلب للتقسيط خلال شركة كونتكت (وهي ان حضرتك بتعمل الأبليكيشن مع الموظف وبتملأ فيه بياناتك الخاصة وصورة بطاقتك و200 جنيهاً وكلهم بيتدبسوا مع بعض ويتبعتوا للشركة.. دي أول مرحلة..
وعلى حد علمي حضرتك بتدفع مصاريف استعلام في اي مكان تاني بيختص بنفس مجال عملنا عند ملأ طلب للتقسيط من خلالهم.. والموظف بيعرفك كده وبتدفعهم وانت بكامل حريتك وحضرتك غير مكبل الأيدي أو تحت تهديد سلاح..

ثانياً, هم أكثر من "20-30" لأن كونتكت لديها حوالي 21 شركة داخلية ممكن حضرتكم تقرا عنها Contact's company History. وللعلم هو أسمه باحث أئتماني وليس مندوب ومبياخدش من حضرتك اي فلوس..


مهما كان معاك اوراق رسمية حيرفضوك
الكلام غير صحيح, وتقدر تسأل ال300.000 عميل اللي بيقسطوا معانا.. ,والرقم ده لأن كونتكت تستحوذ على 70% من تقسيط السيارات من السوق المصري..
المرحلة الثانية, هي مرحلة الأستعلام, وهنا بيتم الأتصال بك وتحديد موعد لمقابلتكم بواسطة الباحث الأئتماني.. ويتم تقديم أوراقكم الخاصة بالدخل الشهري وأثبات لمحل السكن - ايصال مرافق حديث - وبعد المقابلة بيتم دراسة الحالة المادية وليس دراسة صحة أوراقكم من عدمها.. وأعتقد ان ده أجراء طبيعي واي شركة في نفس المجال بتعمله.. أنها تعاين حالة العملاء المادية.. وأذا تم رفض العميل مش هيكون بسبب عدم صحة الاوراق كما ذكرت ولكن لان وضعه المادي لا يسمح بالاقتراض.. والرفض ده بيتم لأن اهم حاجة المتقدم بالطلب لا يحدث له مشاكل عند التعثر.. وده شئ لا يسئ لكم ولكن هتلاقيه لمصلحتك في الأخر..


و اللى بيقبلوة بينفخوة بقيمة الفايدة زى الربا و الكارثة الكبرى بياخدوا نسخة من مفتاح العربية و اول ما تتأخر ماتلاقيش عربيتك تحت البيت و بيفرموك زى ما هم عاوزين
الشركة بتشتغل بشفافية تامة مع العملاء, وبيتم أخبارهم بكل شئ قبل التعاقد وذلك عند ملأ الطلب, بيتم أخبارهم ايضا بالفائدة اللي هي مش "نفخ" زي ما حضرتك بتقول وتقدر تقارن بينها وبين أي فائدة أخرى بتقدمها أي مؤسسة بتعمل في نفس المجال..
وأذا كنت سيادتك معترض وبتقول أنها ربا فهل تسمح لي بالسؤال الاتي؟ ليه حضرتك قدمت طلب للتقسيط فيها؟!!
عموماًَ أنا كتبت تعليق عن كون التقسيط لدينا حلال أم حرام في أحد الموضوعات لكن ذاكرتي مأسعفتنيش أني أفتكره, تقدر حضرتك تبحث عنه..
وبخصوص كلام حضرتك عن أخذ مفتاح فهذا غير صحيح ولا يتم أخذ مفتاح من العميل, لأن لدينا ضمانات أخرى (ولكن يوجد حالات استثنائية للغاية وقد اوضحتها ايضا في بوست هنا)
أما بخصوص أن "العربية بتتاخد من تحت البيت" فده ايضا غير صحيح, منطقياً كده, أنا ليه أغامر بسمعة شركة تاريخها في مصر من 2001 لحد الأن عشان اخد عربية عميل؟! غير ده كله, اللي مش هيسدد عارف أنه مش هيسدد ومن السهل جداً أنك تخفيها في اي جراج ومحدش هيعرف عنها حاجة مش صح كده؟؟ يعني كلام حضرتك بتنافى تماماً مع المنطق, عموماً, عند التأخير بيتم أخطار العميل ويتم التواصل معه لمعرفة سبب التأخر عن السداد وفي حالة التأخر أكثر من الفترة المسموحة بيتم أتخاذ "الأجراءات القانونية" كأي مؤسسة أخرى تعمل بنفس المجال..


ده حصل معايا
ممكن توضيح لـ"ده حصل معايا"؟ لأن كلام سيادتكم يوضح أن الطلب على ما يبدو أترفض ولم تحصل على موافقة ولذلك حضرتك..
في النهاية, أنا أسف لو كلامي ممكن يضايقك ولكنه صريح ويمكنك التواصل معايا في اي وقت لو محتاج اي توضيح اخر..
__________________

Please do not hesitate to
contact me if you have any
further questions
01000230856

رد مع اقتباس