رد: قواعد المرور المصرى
فعلا .... هي دي القواعد الاساسيه للمرور في مصر
وفي نقاط فرعيه منها مثلا
لما تحب تدخل في شارع يمين او منزل كوبري والدنيا واقفه ... خليك اخر واحد على الشمال عشان تاخد دور كويس و متوقفش كتير ... متقلقش كله حيعمل زيك... و مش مهم اللي عايزين يمشوا على طول .... ماهي البلد كلها واقفه واقفه.
اللي عايز يمشي بالراحه يمسك الشمال ..... و اللي عايز يتفسح يمشي في النص .... و اللي عايز يتفرج على اي حاجه (غير الطريق اللي قدامه) او يرغي مع اللي جانبه يخلي الخطوط البيضا (اذا كانت موجوده ) في نص العربيه ...
واللي عايز يمشي بسرعه دي مشكلته ... يمسك يمين او يصرف نفسه
الاولويه للمعاكس و المخالف .... ومن حقه يديلك فلاشر عالي في عينيك علشان توسعله او تقف على جنب لحد ما يعدي
التريلا و النقل الكبير يمسك الشمال براحته ... واوعى تفكر تديله كلاكس او فلاشر .... مش حتفرق معاه ... هو حته عيل ملاكي حيخلي واحد كبير اد التريلا يوسعله
الكلاكس علشان تنادي على صحابك او الافراح و ماتشات الكوره او الشتائم فقط ..... لا يستخدم في اي حاله اخرى غير ما سبق ذكره
لما تحب تغير الحاره المروريه و في حد جنبك ... ريح عليه .... حيحدف الناحيه التانيه ويديلك كلاكس... يبقى هو كدا خد باله ... اكسر عليه و خد مكانه وبعدين ارفع ايدك اشكره او اتأسف له ( زي ما تسميها ) ... وممكن اوي تبقى تديله اشاره بعد كده علشان تحرق دمه.
بس لو حاول يطلع منك اكسر عليه تاني.... علشان ميجيش جنبك ويبصلك بقرف او يرمي كلمه مالهاش لازمه
الاولويه للي ماشي ... يعني لو داخل تقاطع و لقيت حد واقف قبلك ... تكبس و تعدي قبله خصوصا لو صف عربيات ماشي ... اوعى تقف ... اللي جي وراك لو حس انك حتقف حيعدي من جنبك و العربيات كلها حتعمل زيه ... و حيكون الراجل اللي وقفت له طلع ببوز عربيته قدامك .... و حيبقى شكلك ptmnlo123per1146
الاولويه للدخول .... يعني لو الدنيا زحمه وفي تقاطع و الطريق قافل في اتجاهك و سالك في الاتجاه التاني .... تدخل وتقفل الطريق.. علشان الاتجاه التاني يقف هو كمان .... وبعد كده ربنا يحلها
المطبات في التقاطعات معموله علشان اول ما تعديها تطلع تجري واللي جي في التقاطع يستناك لحد ما تعدي الاول ... و لو دخل عليك طبق نظريه البوز بيز
مبداء: اللي يمشي في حاله ... يعمل ما بداله ... يعني اللي يمشي بالراحه يعمل اللي عو عايزه ... يكسر على اي حد ... يعدي بالعرض - بالطول - بالورب ...... يقف في اي حته في اي وقت ..... يعمل يو ترن على الواسع ... براحته
التعديل الأخير تم بواسطة sam ram ; 06-12-2008 الساعة 11:59 AM
|