بإختصار و بعد فترة كبيرة من البحث (لواحدى)
وصلت للآتى:
--------------
1- أفضل مكان تركب فيه التكييف على الشباك بتاع العربية و تقفل الزجاج عليه) نصه البارد جوة و نصه الساخن بره فى الهواء) لإنك لو سيبته جوة العربية الهوا الساخن من الجانب الساخن + الجو الحار بطبيعته هيكون أكتر من هواء الجانب البارد و بالتالى مفيش أى لازمة, لازم تتخلص من السخونه خارج العربية
<1- سقف العربية 2- المروحة 3-مشع الألومنيوم (زى إللى على بروسيسور الكمبيوتر) 4- قطعة بلتيير 5-قطعة كاوتش رقيقة للتثبيت و العزل 6-مشع ألومنيوم (ريش واقف علشان تجمع الهوا من خارج العربية أثناء السير للتبريد و ممكن يركب عليها مروحة تانية) 7-زجاج الشباك الخلفى أو الأمامى 8- صورة لمقطع رأسة للريش الخارجية و شكلها لتجميع الهواء للتبريد أثناء سير العربية>
- فكرت برضو أحطه فى شنطة العربية بس معنديش تصور هأدخل الهوا البارد بخراطيم منين بالضبط لحد الصالون.
2- كل ما هتبرد الجزء الساخن أفضل, هتلاقى الجانب البارد بقى فريزر
علشان كده لاقيت ناس بيحطو ريداتير و طلمبة مياة بجانب المروحه (يعنى زى تبريد العربية بس طبعاً ده موال لواحدة)
3- محتاج واحد يكون إتعامل مع القطع دى يفتينا, لإنى عرفت إنها ليها أرقام و كل رقم بيحتاج جهد كهربى و تيار معين علشان تشتغل بكفاءة و إلا القطعة (هتتشوى), أنا كنت بأحسب تركب عالبطارية على طول طلع الموضوع مش بالبساطة دى.
4- فيه عربيات حديثة من شركة أودى بتشتغل بالكهرباء بتستعمل نفس الطريقة دى علشان تعمل تكييف و ثلاجة صغيرة (فى المخدع الجانبى للسائق), يعنى الفكرة ناحجة بس طبعاً دى (أودى) - إمكانيات يعنى.
أحب أسمع أراؤكم, لإن ده آخر ما توصلت إليه و بالنسبالى المشروع وقف لحد كده
كان فيه أحد الإخوه بيتكلم عالفيس مع الأستاذ هشام الجزار على نفس الموضوع و كلنا طلبنا منه شرح طريقتها بس لسه مردش, مش فاكر مين هو كنت حاولت أتصل بيه.