[MarEgypt]

بشمهندس cars admire
محتاجه رأى حضرتك

انا لسه راجعه من ورشة الصيانه، طبعت الموضوع دا على ورق واخده معايا، وروحت عشان أغير الزيوت والبوجيهات
سمعت كلام هناك - حسيت أنهم بيفتوا - ومشيت بالعربيه ومغيرتش فيها حاجه لحين ما أخد رأى حضرتك


أولاً زيت الموتور: قالوا أن زيت Delo مش بيشتغلوا فيه - وبيحطوا زيت شل (الكندى الأصلى) قالوا انه أغلى شويا لكن أفضل وكمان فيه ميزه انه متعدد الدرجات 90w140 يعنى فى الصبح والعربيه بارده لزوجته غير لما تكون العربيه سخنه، ودا أفضل للعربيه وللموتور.

ثانيا زيت الفتيس: قالى زيت شل (الكندى الأصلى) أغلى شويا لكن أفضل من أى نوع تانى، وبعده زيت توتال وخاصتا توتال 42

ثالثاً زيت الباور سترونج: قالى Mobil ATF أفضل

رابعا زيت الفرامل: قالى فى نوع اسمه بيكام (تقريباً) - هو الافضل وهو الى بيشتغلوا فيه

خامساً زيت الكرونه: قالو الزيت Moble SHC 75W-90 لزوجته خفيفه على الكرونه وهيخليها تعمل ونه (مش عارفه يعنى ايه ونه؟) - والمفروض أستخدم زيت لا يقل عن 140 - وفى نوع (مش فاكره أسمه) متعدد الدرجات لزوجته من 140 الى 200 - ودا الافضل للكرونه.

سادسا البوجيهات: قالو ان فى بوجيهات برؤس بلاتين وفى نوع أسمه بوش Bosch بأربع رؤس يضمن الاشعال - ويخلى المارش يدور بسرعه - بس أغلى من البوجيهات العاديه. وفى حجات أرخص برائسين وثلاث رؤس. وقالى نوع تقريبا اسمه NGK أنه كويس. وانها لا تؤثر على استهلاك البنزين (انا مش واثقه من الكلام دا) - وقالى كلام كتير على موضوع البوجيهات ال 16 وال 24 - مفهمتش منه حاجه - بس عاوزه اعرف ايه الفرق بين ال 16 وال 24؟

وما اتكلمناش عن الفلاتر.

فى الأخر قالوا دى الزيوت الى بنشتغل فيها - ولو مش عجباكى - هاتى الانواع الى انت عاوزه تغيرها واحنا تحت أمرك نغيرهالك - وذى ما تحبى ! بصراحه الكلمه الاخيره دى قلقتنى ، وعشان كدا بأستشير حضرتك.