بخصوص مفاتيح عربية مستعملة لسه شاريها
السلام عليكم
اشتريت كليو 2003 بحمد الله وشكره، وصاحب العربية اداني مفتاحين أصليين بيفتحوا الابواب والشنطة ويدوروا الموتور.
واداني كمان مفتاح سادة مفيهوش نقوش وفيه ريموت السنتر لوك بتاع العربية.
وبقيت ماشي بمفتاحين، واحد بيفتح ويقفل السنترلوك، والتاني بيدور العربية.
فيه واحد صاحبي قاللي ممكن تودي مفتاح السنترلوك السادة ده، وتعمله عند بتاع مفاتيح بنفس نقشة المفتاح الأصلي، عشان يبقى مفتاح واحد بيعمل كل حاجة.
السؤال، حد يفهمني هو كده السنترلوك مش الاصلي بتاع العربية؟ ولا البرمجة مختلفة؟ وهل فعلا ممكن اخلي مفتاح السنترلوك يدور العربية ويفتح الباب عادي؟
الأهم من كده. مش المفروض أغير مفاتيح العربية بعد ماشتريتها لاحسن يكون معاه نسخة من المفاتيح او ريموت السنتر؟
أنا معنديش معلومات بخصوص الموضوع ده نهائي، ومش عارف إيه اللي المفروض أعمله. حد يفيدني
|