[حسام البورسعيدى]

المشاركة الأصلية كتبت بواسطة corsair والله يا عم حسام انا استمخيت علي الاخر هههههههههههههههههههههه ربنا يباركلنا فيك يا زعيم والله من احلي المواضيع اللي بقراها في المنتدي مواضيعك الجميلة المفيدة دية بس يا زعيمنا هو في الصيانة الاخيرة من 3 شهور غيرت فلتر البنزين والمهندس هناك شال تقريبا حساس الايدال ونظفة كويس بالفوم وبعدين المشكلة اختفت ومظهرتش معايا الا من اسبوع فات فهل كدا يعتبر عيب فيه ويتغير في التوكيل ولا ايه العربية لسه في الضمان مش ده يعتبر عيب صناعه بردك العربية بقيت بحس انها بتاكل بنزين اكتر من الاول وده اللي مجنني اكتر انا عارف اني واكل دماغك بس هتعمل ايه نصيبك كدا ههههههههههههههههههه حبيبي والله يا عم حسام وان شاء الله في اول زيارة لبورسعيد لازم اشوف حضرتك واتعرف علي الشخصية الجميلة ديه لان فرع الشركة الرئيسي بتاعنا في بورسعيد

والله انت شرفتنى بمرورك الجميل ده وانت بصراحة شخصية زى العسل ...

وبالنسبة للمشكلة احنا كده اتاكدنا انها من حساس الايدل يبقى انت تروح طابب عليهم فى التوكيل وتخليهم يغيروه خالص مش ينضفوه وقولهم انا عايز اغيره لانه اتنضف قبل كده ورجع تانى وطبعا من حقك لان ده يعتبر عيب صناعة فعلا طالما لسه فى الضمان .. تمام يا برنس الجيل ؟؟ ههههههههه

وغالبا استهلاك البنزين هيكون منه برضو ولو فيه امكانيه ابقى شيك على الرشاشات بالمره ...

ويا عم ولا واكل دماغى ولا حاجة دا انا حبيتك كده لله فى لله وتحت امرك فى اى حاجة ويا ريت نتقابل فى اقرب فرصة باذن الله دا انا ازيد شرف يا باشا ..

واتمنى الشرح يكون عجبك يا غالى ..