رد: ملف كامل عن الزهايمر...
أنا ليا رأي في الموضوع ده .. مع إني غير متخصص، بس ناتج عن تجربة حية قدامي
جدتي - الله يرحمها - كان عندها الزهايمر ووصل لمراحل متقدمة جدا.. وبدأ لما جدي توفى وأصرت تعيش لوحدها.... الله يرحمها ويجعل مثواها الجنة.. بس كانت دماغها ناشفة.
على العكس من الحالة دي... جدة زوجتي - ربنا يطول في عمرها - كان الزهايمر بدأ يهاجمها لنفس الأسباب.. بس بدأت تسترجع ذاكرتها لما أحد أبناءها كان عايش في أمريكا وخاف على أولاده، وبدأ يرسلهم لمصر عند جدتهم عشان يتعلموا عربي ويعيشوا في مصر في فترة المراهقة.
الزهايمر بيهاجم الإنسان اللي معندوش مشاغل.. عشان كده غالبا بيهاجم كبار السن (بعد سن المعاش) لإنهم غالبا بيفقدوا مصادر الاهتمام والمسئوليات .. زي مشاكل العمل ومشاكل الأولاد .. وكمان في السن ده بيبدأ فقد رفقاء العمر من أصدقاء وأحباب وخلافه
من وجهة نظري... أحسن وقاية من الزهايمر إنك تشغل نفسك بالمشاكل!!!!
يا ريت يبقى فيه أبحاث تشوف الحالة الاجتماعية بتاعة مصابي الزهايمر وهل فيه علاقة بين مدى انشغال الإنسان واحتمال إصابته بالمرض
...
|