رد: اريد شراء عربيه برليانس جالينا ؟؟ سؤال من اهل الخبره
السلام عليكم
طبعا الأخ اكيد اشترا سياره من زمان بس انا ليا اكتر من تعليق علي الردود أللي الأخوه ردوا بيها (طبعا مع كامل احترامي لرأيهم)
العربيه ديه موجوده من 2002 (صيني) وتقفيل صيني ومعدتش اختبارات الامان الأوروبيه اللي هو اختبار التصادم
فى اول سنه 2007 تم تحديث السياره بالكامل ونجحت في اختبار التصادم الأوروبي ونزلت مصر فى النصف التاني من 2007
الفرق بين الموديليين للي ميعرفش العربيه صعب بس انا اقولك الفرق
القديمه بدون فيميه فبريكه , بدون شاشات دي في دي , الطابلوه قديم , اير باج واحد بس , مفيش باركينج ينسور
استهلاك البنزين حوالي 7.5 لتر/100 كيلو ويوصل ل 11
العربيه عفشه بورش الماني بتفرش مع الجري
موتور ميتسوبيشي جالانت موديل سنه 2000/2001 بققوه 2000 سي سي و 128 حصان
البودي الجديد هو اودي A4 ومشابه للسوناتا 2009 وده مصفح (عن تجربه)
الأير باج والتكييف , رينو ميجان
التبلوه , بي ام دبليو علي لينكولن
الفتيس , لينكولن
العربيه وسعه جدا والشنطه كبيره (يعني ممكن تركب غاز بسهوله) وتقفله لو عايز تحرق وتجري
من جوه مريحه جدا جدا (انا كنت بسافر نيها من الأقصر للقاهره من غير رست)
كل ديه مميزات بس للحق فيه ناس جابوها وتقفيل المصنع كان عامل مشاكل كتيره بس معظمه في 2008 علي حد علمي
انا بعتها وندمت وان شاء الله هشتريها تاني لما ارجع مصر
موديلات الجالينا حتي عام 2007 لو ببلاش متجبهاش لكن من نص 2008 عربيات زي الفول بس احنا مصريين حفظين ان الصيني زباله وخلاص
__________________
Ahmed Felefel
|