السلام عليكم
معايا هوندا سيفيك 92 ex اوتوماتيك , 1500 كاربيراتير
كنت ماشى على طريق مصر السويس النهاردة , و فجأة سمعت صوت تك تك تك تك عالى !! فتحت بصيت ملقتش حاجة .. دورت تانى سمعت نفس الصوت .. رحت لواحد ميكانيكى قاللى الموتور رزع !! طيب ليا بعض الاسئلة !!
اولا : لما الموتور بيرزع مش العربية بتبطل ؟! مبطلتش و ماشية ماشيها العادى جدا بس بالصوت دة
ثانيا : و انا واقف مش بسمع الصوت دة اول ما بزود بنزين بيعلى جدا
ثالثا : الصوت بيهدا ساعات و اوقات بيجمد جدا !! و اوقات بيختفى لمدة 5 ثوانى كدة !!
رابعا : مفيش اى نوع من انواع الدخنة بتطلع من الشكمان !!
خامسا : ايه سبب الترزيع ( لو رزع فعلا ) .. انا كنت ماشى على 100 كم و مش حارق خاااالص ... الزيت لسة مغيره من اسبوعين و ممشتش خمس المسموح به عالزيت و كانت الدنيا ماشية عادى جدا
سادسا : العربية بتدور من اول تكة الحمد لله و ماشية عادى جدا !! انا مش فاهم بالظبط !!
مع العلم ان كان فيه مشكلة فى الكرنك قبل كدة و عالجتها بلحامات ف وردة الكرنك و الطنبورة !! و كانت بتعمل شبه الصوت دة !! هل ممكن يكون منها ؟!
ارجو المساعدة فى اسرع وقت
