الحمدلله اشتريت فيكترا بي موديل 96
الحمدلله اشتريت عربية فيكترا بي موديل 96 لونها زيتي وكاملة اوتوماتيك 2000 سي سي والعربية كانت بتاعت واحدة ست ياعني ماكنتش مهتمة بيها اوي المهم عشان ما اطولش عليكم العربية فيها حبة ملاحظات عاوز اخد رايكم فيها
العربية وهية علي ال d ودايس فرامل بحس ان في رجة جامدة في العربية وخصوصا لما بشغل التكييف الرجة بتزييد اوي ولما رفعتها قبل ما اشتريها الميكانيكي قالي دي عاوزة قاعدة موتور وقالي بردو انها عاوزة جراب للفتيس لان عصاية الفتيس سايبة شوية والحاجة التالتة اني لاحظت اني لما بركن العربية وتاني يوم الصبح بلاقي تحتها زيت هوة طبعا مش كمية كبيرة بس معني كدة ان في حاجة غلط او مش متظبطة في الموتور والعفشة بردو محتاجة شوية تظبيط ياعني حبة جلب والكلام ده
والمفروض اني ان شاء الله هنزل القاهرة يوم الجمعة الجاية بالعربية عشان اروح بيها الحرفيين عشان اعمل الشغل ده فكنت عاوزكم ترشحولي حد كويس اروحله ويكون صنايعي وحنين في الحساب وكنت عاوز اعرف بردو تكلفة الحاجات اللي انا قلتها دي تعمل تقريبا كام فلوس ؟
وهل الحاجات اللي انا قلتها دي تقلقني ولا دي حاجة طبيعية
|