[luckyman]

بدون الدخول فى تفاصيل الموضوع انا كنت قرات اكتر من مره من بعض الاعضاء المحترمين بعض الاراء والمفاهيم الخاطئة ومش عارف من فين بيجيبوا الاراء والامور دى
ابسطها وهما بيختاروا سيارة جديدة او بيرشدوا بعض الاعضاء الاخرين بيقولوا ان سيارة اكس على سبيل المثال افضل من سيارة واى ولتكن اى سيارة اخرى ؟!!!!!!!
والدليل على كدة الكبوت اللامامى انشف
وواحد تانى يقول واحد دخل فى حيطة الشنطة باظت وصاج الباب الجانبى خفيف
دى كلها كلام لا يستند الى علم او حقيقة وبعدين بعضهم يقول اى حقيقة ويسخر من الكلام
ياريت الانسان يحاول يتعلم ويستفيد ويفيد ان كان فعلا يمتلك المعلومة الصحيحة او يتحرى عنها انما مرة اخرى المشاعر والاحساس لازم تجنبهم فى مواضع عدة
مرة اخرى مع احترامى لكافة الاراء دة كلام ملهوش اى محل من الاعراب
والعربيات اليابانى على سبيل المثال صاج خفيف جدا مثل التويوتا والهوندا لكن فى نفس الوقت هى من اامن وافضل السيارات على مستوى العالم فى فيئتها بلا منازع
زمزضوع خفة الصاج له علاقة بامور اخرى باستهلاك الوقود والتقليل من وزن اجزاء السيارة لامور تتعلق بنسبة الوزن للقوة
وسعر الخام الحديد
ودرفة الاشكال وتشكيل المعادن الخ
لكن اخر حاجة انها تكون متعلقة بالامان والسلامة
مثلا من الافكار الشائعة ان اللادا مثلا من اقوى السيارات صاج او متانة او امن وسلامة على سبيل المثل او الحصر مع العلم والواقع انها اخر سيارة فى الموضوع دة يعنى خلاصة الكلام نتجنب المشاعر الشخصية فى الامور الفنية والعلمية فى موضوع يتعلق بتخصص كالسيارة والامن والامان والسلامة الخ
ممكن نتدخل المشاعر والكلام دة فى شكل سيارة تصميم هى مسائله اهواء شخصية لكن فى امور محسومة مسبقا ولها حقائق وتستند لارقام ومعادلات الخ
اعتقد ان مصر موتورز لازم اى حد يدخل فية يلقى ضالتة واسباب حيرتة ويرتاح ويكون منارة لثقافة عالم السيارات مش يحصل للناس التباس ولبس للامور ونشر مفاهيم خاطئة عفى عليها الزمن والدهر واصبحت امور ثقافية بسيطة
اسف للاطاله بس لازم نطور انفسنا بالانصياع للحقائق والعلم وليس للموروث ثقافة عالم السيارات المصرى القديم والذى لايستند حتى لواحد فى المئة من الخقيقة فى شىء وشكرا جزيلا ودمتم بود