متابع مواضيعك يا
tham1010 و بصراحة كتير منها هادف فعلاً..
و الموضوع ده بالذات اللى بيخص اسعار السيارات اللى اصيبت بالجنون و ده لانه بيمس شريحة كبيرة ممن يحلمون حلم السيارة الجديدة..الحلم اللى بيتبخر يوم بعد التانى..
و كانوا قالوا هيعملوا احلال للسيارات القديمة لكن مفيش خبر عن الموضوع خالص و حتى لو عملوا اللى هيحصل كالآتى:
1- هيبخسوا بتمن القديمة الارض
2- الجديدة سعرها مبالغ فيه زى ما هو بس بتسهيلات اكتر شوية زيه زى اانظمة التقسيط بس اهون شوية.
3- اللى عنده عربية زى بتاعتى موديل 1995 برضه مش حيستفيد لانهم اكيد هياخدوا مثلا من سبعين و انت راجع لورا.
فلازم حل جذرى يمحى لنا المشكلة دى من اساسها و من جذورها و الحل فى رأيى المتواضع يتلخص فى:
1- تخفيض الجمارك الغير طبيعية على السيارات لانى فعلا مفيش شركات مصرية تقوم بالتصنيع من الاف الى الياء على ان يكون التخفيض تدريجياً و ليكن بقيمة 10% سنويا حتى لا يتضرر اصحاب المستعملة كثيرا و حتى لا يحدث ركود فى سوق بالنسبة للسيارات التى تم استيرادها بالفعل طبقا للتعريفة الجمركية القديمة علما بأن اصحاب التوكيلات لن يتأثر ربحهم كثيراً و لو تأثر بعض الشئ فليضحوا كما ضحى المشترى المصرى ليربحوا هم و لينكوى هو بنار الاقساط و الاسعار الغير طبيعية.
2- تكهين السيارات القديمة و تعويض اصحابها بمبلغ لائق بقيمة السيارة (علاوة على ان هذا سيحل مشكلة المرور التى يتشدق بها البعض و سيعمل على تقليل الاعطال التى تحدث تعطيلا بالكثير من الطرق المصرية يوميا و هى من الاسباب الرئيسية فى الازدحام المرورى و ليس كثرة السيارات كما يشاع).
3- انشاء مصانع لتدوير جميع اجزاء السيارات القديمة و لو حتى بنسبة تصل الى 80% من السيارة للاستفادة القصوى منها كمواد خام و علما بان هذا سيساهم فى فتح فرص عمل جديدة و سيساهم فى الحفاظ على البيئة كما تفعل الدول المتحضرة.
4- فتح باب استيراد السيارات المستعملة على شرط الا يزيد عمر السيارة عن عشر سنوات (و بهذا لن يتضرر سوق قطع الغيار و استيراد قطع الغيار المستعملة).
هذا بعضاً مما اراه حلاً لمشكلة الجمارك او لأقول و انا مطمئن لمشكلة السرقة التى تحدث عينى عينك على المستهلك المصرى الذى يتحمل الكثير و يستكثرون عليه ركوب سيارة حديثة و مريحة و محترمة كما تنزل من بلدها دون زيادة او نقصان.