[ابراهيم داود]

اخونى الافاضل جميعا؟
اولا بشكر ربنا سبحانه وتعالى على سلامتى وانتهاء موضوعى مع التامين ؟
واخص بالشكراخى الفاضل ابو نورا وجميع القائمين على اداره مصر موتورز؟
وشكرى طبعا للاستاز محمد صبحى ومن وقف بجانبى فى هذا الموضوع فى شركه مصر للتامين من مدير فرع السيارات ورئيسه القطاع ومهندس ربنا اكرمنى به فى الفتره الاخيره؟
طبعا دى تجربه مررت بها من بدايتها حتى نهايتها ودرس لى اولا لعدم خبرتى فى مجال التامين ؟
وعملا بقول رسول الله صلى الله عليه وسلم فى الحديث الشريف ؟
عَنْ أَبِي هُرَيْرَةَ قَالَ

{ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ سُئِلَ عَنْ عِلْمٍ فَكَتَمَهُ أَلْجَمَهُ اللَّهُ بِلِجَامٍ مِنْ نَارٍ يَوْمَ الْقِيَامَةِ }

طبعا ما يهمنى فى هذا الموضوع ان يكون فيه استفاده من الاخطاء التى وقعت فيها عسى ان يجزينى الله عنها خيراً
اخوانى عدم العلم بالشئ كان هو من اسباب مشكلتى واخطائى فى هذا الموضوع وهم كالاتى ؟
اولا= بالنسبه لشركه مصر للتامين شركه كبيره ومعروفه لاكن كان الخطئ بالنسبه لى ان للشركه فروع كثيره منها الفروع الاساسيه او بمعنى المتواجده داخل المحافظه وانا تعاملت فى وثيقتى مع فرع صغيروالمهم انه قام باستخراج الوثيقه من الفرع الاساسى؟
ثانيا=عدم وجود الوسيط التامينى فى موضوعى وده كان السبب الاخرلعدم ادراكى بما سيتم؟
ثالثا=وهو وقت وقوع الحادث طبعا قام البعض من اهل الخير بإخراجى من العربيه وانا كنت وقتها فى حاله ربنا الاعلم بى وبحالى واستدعو ونش وقامو برفع العربيه على الطريق وعلشان الشرطه فى مكان قريب ولظروف ان الحادث فى شهر رمظان وقبل الافطار بحوالى 15 دقيقه قال البعض ان الشرطه مش هتيجى ده وقت إفطارإحنا نودى العربيه عند المركز تتعين وكان ده من اكبر الاخطاء الى قمت بيها ؟ والمفروض طبعا ان الشرطه تعين العربيه فى مكان الحادث وعلى حالتها لتوضيح الاسباب الاساسيه للحادث؟
رابعا=طبعا موضوع محضر الشرطه اتعمل لاكن مش مستوفى كل التلفيات وبعدها حظى مع موظف التامين الى تعامل معى وقال اعمل محضر الحادث وفعلا لما عملته وسلمته له قال ودى العربيه التوكيل ؟ بصراحه بعد كده انا لاحظت شئ ان الى بيعمل حادث بيروح يطلب معاينه للسياره وفعلا بيروح معاه مهندس يعين العربيه ويدله للخير اذا كانت محتاجه توكيل او لا وعمل كل تلفيات العربيه فى محضر حادث الشركه ؟
خامسا=التوكيل الى خلى صوره العربيه امامى هلاك كلى بسبب ان العربيه هيوصل سعر الاصلاح الى 14 الف جنيه تقريبا ؟
سادسا=انا كنت على يقين ان التوكيل هيقوم بكل شئ لاكن للاسف ده محصلش وعلى فكره اتشال منها بعض الاشياء وحجات تعتبر بسيطه لو كنت صلحتها فى مكان اخر كان افضل لى تكلفه ووقت وعلى الاقل مكنش راح منها حاجه وعلى فكره والله انا كرهت العربيه بسبب تصليح التوكيل ؟
سابعا= طبعا الشيك بيطلع لحساب البنك لان انت مجبر تامن بشروط البنك والبنك صعب جدا انه يوقف القسط فى حاله حادث وكمان لو تاخرت يوم بيكون فيه غرامه 100 جنيه ؟ والافضل من كده كمان ان لما بتاخد الشيك تسلمه للبنك مش بتستلم المبلغ فى نفس اليوم لاكن بعد اسبوع ؟ لما يسوى حسابه الاول ويشوف انت عليك شئ متاخر علشان يخصمه ؟
انا معترف انى طولت عليكم لاكن بتمنى ان اى فرد يمر بنفس الموضوع يبعد عن اى حظئ مررت به وشركه مصر للتامين شركه محترمه واعتقد ان دى حاله فرديه حصلت معى بسبب الموظف ؟ ومش شرط الاصلاح فى التوكيل ولاكن ممكن اى صنيعى شاطر يكون عنده سجل تجارى وبطاقه ضريبيه وصدقنى هتوصل لنتيجه افضل منى فى التصليح ووقت بسيط جدا فى الاصلاح وتكلفه بسيطه فى السعر؟
وبتمنى ان ربنا يبعد عنكم وعنا اى شر؟