[احمد الجارحـي]

السلام عليكم بأختصار عشان مطولش عليكم و ارجوا الرد و الحل سريعاً
دلوقتي انا اشتريت عربية من فترة و العربية كانت بعقد بيع من مالك العربية للشخص اللي انا اشتريت منه و بالتالي هو لما باعلي بعهالي بعقد بيع اصبح اني معايا عقدين بيع مسجلين واحد من مالك العربية طرف أول إلي المشتري الاول طرف ثاني
و العقد الثاني من المشتري الاول طرف ثاني إلي المشتري الثاني طرف ثالث اللي هو انا
المهم انا ببيع عربيتي و المشتري كان معايا وروحنا المرور بالعقود و عملت شهادة بيانات موجهة للشهر العقاري لان الرخصة منتهية من شهر 10 اللي فات و عملت ايضاً شهادة مخالفات ليطمئن قلب المشتري ان مفيش مخالفات و خرجنا من مرور السلام و ف اتجاهنا للشهر العقاري للتوثيق..
ادور ع العقود الاصلية مش لاقيها يانهار ابييييييييييييض يا جدعان مش قادر
ادور شمال يمين و المشتري يدور شمال يمين مفيش
روحت كل مكان ممكن الاقي فيه العقد يمكن يكون وقع يمكن يمكن يمكن مش لاقي حاجة خالص قلبي تعب من الموضوع بجد
المهم المشتري قالي انا معاك متقلقش و جبنا عقد بيع ابتدائي و قالي هنملاه و هديك جزء بسيط من المبلغ كعربون و انت روح للشهر العقاري تعمل بدل فاقد للعقود لكن المشكلة الاتي
اولاً ايه الحل ف موضوع زي ده؟
ثانياً انا لو روحت الشهر العقاري عشان اطلع بدل فاقد ف ده هيكون لعقد واحد و اللي انا هو انا طرف ثالث فيه طب و العقد الاولاني بتاع الطرف الاول و الثاني هقدر بردوا اطلعه؟
افيدووووووووووووووووووووو نى افادكُم الله