[adriano_lala]

بسم الله الرحمن الرحيم

الموضوع ببساطة يا جماعة إن احنا مش هنقعد طول عمرنا ندفع 200% و250% من تمن العربية اللي بنشتريها واحنا مبسوطين أوي وغيرنا في دول العالم التاني والتالت وفي الدول العربية بيدفع تمن العربية بس مع نسبة جمارك قليلة جداً لا تزيد عن 10 % مش زي ما هي في مصر كدا تزيد عن 100%

يعني ليه العربية السيراتو مثلا تبقى ب100 ألف جنية في مصر وهي تمنها 45 ولا 50 ألف بالكتير لو حسبنا الضرايب ونسبة بسيطة للجمارك ..

عربية زي الفيرنا مثلا سعرها في مصر 66 ألف وهي أصلا سعرها الحقيقي ما بين 15: 20 ألف جنيه بيتضاف عليهم ضرايب + 35 ألف جنية جمارك يعني اكتر من 150% من تمنها الأصلي ..

عايزين نجمع ألف توقيع وانا هعمل صيغة محترمة وهنتقدم ببلاغ للنائب العام وهوزع بيه نشرات على الصحف والجرايد والفضائيات المصرية ونقلب الدنيا عشان حقنا ..

أنا عملت صفحة على الفيس بوك للحملة

http://www.facebook.com/pages/kn-ayj...25264804174634

ياريت كلنا نشترك فيه ونبعته للي نعرفهم ونخلي الموضوع رأي عام وكفاية سكوت وكفاية نصب علينا بقى ..

وطبعا لو حد شايف ان كل دا مالوش لازمة فاحنا هنعمل اللي علينا ونحاول وعلى الأقل لو موصلناش لهدفنا دلوقتي كفاية الإحراج اللي هنسببه للمسئولين وهنوصل المرة الجاية للي احنا عايزينه ...

حد معايا ؟.؟؟؟