رد: الرجاء المساعدة بخصوص سيارات المعوقين
بص يا أخى أنت عارف ليه هما بيقلوا بتر شمال يبقى مانيول ولو بتر يمين يبقى أوتوماتك. الموضوع سهل. المفروض أن المعاق علشان يسوق العربية يركب جهاز فيها كما لو كانت الحكومة عاوزة تزل المعاق. المهم يا أخى لو بتر شمال يبقى مش هتعرف تدوس على الدبرياج وهتركب جهاز بيكتبوة فى التقرير أسمة " فاصل حركة" فبدل ما تدوس على الدبرياج برجلك بتشتغل بأيدك بحاجة زى العصايا. ومش تقلق لان الجهاز دة مش بيأثر على السواقة يعنى لو واحد مش معاق حب يسوق لك العربية اللى فيها الجهاز بيسوق عادى خالص والجهاز ولا كأنه موجود. ولما تحب تبيع العربية بتشيل الجهاز فى نص ساعة وتبقى العربية عادية.
كما الجهاز لا يؤثر على العربية من حيث تقطيع او تخريب فى التابلوة...
فى تجار فى بورسعيد لهم سكك يعنى هياخد منك حاجة بتاع الف ونص او الفين ويرش على الناس هناك علشان يطلعوا لك جواب بعربية أوتوماتك...
أوعى حد يضحك عليك هناك ويكون الجواب مكتوب فيه العربية مانيول والتجار يطلعوك بعربية اتوماتك لامك هتلاقى صعوبة فى الترخيص, لان فى واحد فى المرور بيكشف على العربية ويبص على العربية قبل ويكتب أن السيارة مجهزة طبيا. وعلى فكرة الجملة دى بتكتب فى الرخصة بتاع العربية يعنى بيكتبوا " العربية مجهزة ولا يقودها إلا مالكها"...
أما عن الأسعار فعنداك من 19 الف وأنت طالع لحد 80 الف.... وانت وشطارتك فى الفصال,,,
متابع معاك لاى استفسار لحد ما تستلم عربيتك
|