[مصطفى-حسن]

المشاركة الأصلية كتبت بواسطة AbOnOrA السنوركلين على حد علمى رياضة لكل الاعمار وتعتبر زى السباحة بس امتع شوية لان مبتغطسش على اعماق كبيرة وممكن متغطسش اصلاً وتكتفى بالمشاهدة من بعد بس هى الفكرة زى ما الاستاذ مصطفى شرح فى الاماكن الصح انا اصلى كنت قاعد فى الغردقة زى ما حكيت وكنت عايش الدنيا ديه بس كمشاهد فقط للاسف فالمجلات او كتيبات السنوركلينج ديه بتبقى متحدد فيها بالظبط الاماكن مثلا اللى فى الغردقة بخرائط ومسافات وتفاصيل كل مكان على عمق قد ايه وفيه شعاب نوعها ايه ولو فيه مراكب غرقانة تفاصيلها ايهوشغلانة فيه اماكن تركب لانش او مركب علشان توصلها فى قلب البحر الاحمر او بعيد عن الشاطى شوية بس هى مش اماكن هى جنان سبحان الله على الارض ولو انت بتحب التصوير كمان تبقى اكتملت المتعة انا عن نفسى بحب الاتنين بس لسه هشوف موضوع الكاميرات ده علشان معنديش حالياً حاجة تصور تحت المية والتصوير بالنسبالى نص المتعة فى الموضوع هوريك فيديو بس لازم تتفرج عليه بجودة عالية حتى لو تنزله وتتفرج عليه وخدو بالكو الفيديو فيه واحدة ست بمايو طالعة فى لقطتين تلاته بس من الفيديو غضو بصركو لكن باقى الفيديو راجل بيعمل سنوركلينج وبيتفسح مع القروش الحمد لله العين السخنة على حد علمى مفيهاش قروش :D والفيديو متصور بالكاميرا اللى انا نفسى اشتريها ياريت حد يكون جربها ويقولنا تجربته معاها للمرة الاخيرة غضو بصركو واللى مش هيغض هو حر الست وحشة اصلاً يعنى هياخد ذنب ع الفاضى http://www.youtube.com/watch?v=ucivXRBrP_0 اه صحيح المراوح ديه يا استاذ مصطفى اللى ظاهرة فى الفيديو اللى بتتركب فى الرجلين جربتها ولا لاء ولو جربتها تاثيرها ليه لازمة يعنى ولا منظر بس فى انتظار اجاباتك يا استاذ مصطفى متتاخرش علينا ولا انت شوقتنا ومشيت

بالنسبة لسؤالك عن المراوح دى انا عمرى ما شفتها فى مصر وبالتالى مش هعرف اجاوبك عليها

المشاركة الأصلية كتبت بواسطة amr elsisi 1 ابو نورا البحر الاحمر كلة قرش وانا كتبتلك في مشاركة سابقة لنفس الموضع علي كاميرا انظر اليها

مفيش ياباشا قروش ولا الكلام دة انا بقال 3 سنين بغطس حر واطلع رحلات هناك ومفيش اى حاجة نهائى على الاطلاق من اللى حضرتك بتقولة