[somawmotors]

السبب في ان بعض الشركات بتنزل نفس الموديل تحت اسماء مختلفة في عدة دول ان المستهلكين حول العالم ميولهم مش واحدة بمعني ان ممكن مستهلك في دولة معينة بيفضل ماركة معينة وميعرفش حاجة عن ماركة تانية فعشان كدة الشركة بتنزل لكل سوق العربية اللي بيتقبلها. والمثل موجود شركة فوكسهول واوبل .
فلان الانجليز بيحبوا منتجاتهم وبيعظموها لذا لجات شركة جنرال موتورز المالكة لاوبل وشيفروليه لطرح الاوبل في بريطانيا تحت اسم الشركة البريطانية فوكسهول لاجتذاب البريطانيين اللي بيعشقوا الماركة الانجليزية فوكسهول.
ومثال اخر هو موديل كابريس وموديل لومينا من شيفروليه المشهورين في دول الخليج العربي فالموديلين دول بينزلوا باسم شيفروليه فقط في منطقة الخليج مع انهم بيتصنعوا في استراليا في مصانع مجموعة هولدن .لكن اللي حصل ان شركة جنرال موتورز المالكة لهما رات ان الموديلين فخمين وكويسين ومش بعيد ينجوا في دول الخليج اللي الاهتمام بسعة السيارة اللتريه مش وارد فنزلتهم هناك تحت اسم شيفروليه لان ده الاسم اللي يعرفوه ولانهم ميعرفوش هولدن ومحدش اصلا يعرفها غير الاستراليين و النيوزلنديين وبعض الجزر التابعه لقارة استراليا مثل فيجي وايضا سلطنة بروناي وتايلاند وسنغافورة وماليزيا وذلك بحكم القرب الجغرافي بينهم وبين استراليا واخيرا البرازيل اللي بتنزل هناك تحت اسم شيفرولية اوميجا. واود ان اضيف ان اوبل اوميجا هي نفسها شيفرولية اوميجا مع اختلاف العلامات.وبالنسبه لعلاقة السوق الامريكي بهولدن فموديل لومينا من شيفروليه يسوق في امريكا تحت اسم بونتياك G8 واي موديل من هولدن بيسوق هناك تحت اسم بونتياك وهذا ليس شرطا ان كل موديلات بونتياك هي نسخ من هولدن.
مثال تاني هو دايو لاسيتي وشيفرولية اوبترا هاتشباك وسوزوكي رينو وهولدن فيفا فالاربعة نسخ لموديل واحد مع اختلاف العلامات.
وبرضه شيفرولية افيو5 الهاتش باك الجديده بتنزل في استراليا تحت اسم هولدن بارينا.
وكمان شيفرولية ايبيكا وكابتيفا بينزلوا تحت اسم هولدن ايبيكا وكابتيفا في استراليا.
يعني الخلاصة كل شركة بتنزل للسوق العربيات اللي بيثق فيها وبيحبها او بمعني تاني اللي لها سوق هناك.
وانا تحت امركم كلكم.