السلام عليكم اولا ان بشكر كل ادارة الموقع من مشرفين وادارين واعضاء على المنتدى الرائع ده واتمنى انكم تقبلونى واحد من اعضاء المنتدى ، كان ليه استفسار عند حضراتكم وارجوا انكم تفدونى فيه ، انا من دمنهور ورحت قدمت فى المرور فى مدرسة تعليم القيادة على رخصة خاصة ، بس بصراحة الموظف الى هناك رخم رخامه فظيعة كل اما اسئله على حاجه انا او غيرى ، كاننا بنكلم نفسنا ، مبيردش على حد وهناك الناس ولا فاهمة ، بس عموما الحمدال الله قدرت اطلع بحاجه وحيده وهيه ميعاد الامتحان بتاعى بعد شهر ، فا انا دلوقتى عاوز اعرف من حضراتكم ايه المطلوب منى من اوراق ورسوم ، وهل الامتحان النظرى بيكون اشارات بس ولا فية ميكانيكا ، وكمان الامتحان العملى صعب ولا سهل ، لان انا بينى وبينكم على قدى فى السواقة لان محدش علمهالى الحمدال الله اتعلمتها لوحدى بس بردك على قدى ، وكونت مقدم فى المرور فى مدرسة تعليم القيادة على امل انهم بيعلموا السواقه هنااااااك وقولت خلاص الواحد حيحترف ، بس لما سالت الناس الى مقدمة زى هناك تبع المدرسة وجاية الاختبارات قالولى لزم سواق محترف يعلمك كل حاجه هنا ولا هتفهم اى حاجه فى اى حاجه دى مدرسة بلاسم بس وعشان كمان متسقطش فى الامتحان فى ناس كتير قبلك سقطه فى الامتحاان ، فا ياريت لو حد عمل رخصة قريب او يعرف سواق او مركز لتعليم السواقة كويس يقولى اية اللى حصل معاة بالظبط
وجزاكم اللة كل خير