رد: زجاج السيارة لا يعمل
عربيتي نوبيرا 2008 والازاز اللي جنب السائق كان بيعلق شوية يشتغل وشوية يعلق واحيانا ما يشتغلش كام يوم علي بعض وبعدين روحت لصنايعي خبط علي فرش الباب من الداخل بقبضة ايده اشتغل الازاز قالي الشربون خلص وكده لازم تغير الماكينة لانه ما بيتصلحش وسعر الماكينة 150 ج استيراد
سبته وقلتله هاشوف وارجعلك وبعدين قريت موضوع علي نايل موتورز ( بصراحة العضو صاحب الموضوع عامل فيه احلي شغل ) عن تغيير الشربون بتاع ماكينة الازاز فأتصلت علي كهربائي اعرفه وقلتله ان الشربون خلصان يعرف يغيره قالي ماشي وبالفعل رحت له وقام بكل الخطوات الموصوفة من صاحب الموضوع وخد وقت حوالي ساعة ونصف والحمد لله الازاز بقي تمام وغير كده لقي ماكينة الازاز بحالتها فقالي خسارة انها تتغير
وخد مصنعية 30 جنيه بما فيهم ثمن الشربون
ولكن انا بانصح ان محدش يفكر يعمل كده بأيده لانها متعبة الا لو كان ذو خبرة ومهارة
|