قرأت اليوم فى ملحق الاهرام للسيارات اعلان رهيب وغريب وعجيب ومريييب فى نفس الوقت من المصرية للسيارات
الاعلان كالأتى:
عندنا خصم كبييييير
فرصة الاسبوع
هيونداى i30 موديل 2009 قبل الخصم 103.900 وبعد الخصم 79.900
هيونداى ماتريكس مانيوال موديل 2010 قبل الخصم 96.900 وبعد الخصم 84.000
سكودا فابيا اوتوماتيك موديل 2010 قبل الخصم 125.000 وبعد الخصم 95.000
سيات ابيزا اوتوماتيك 2010 قبل الخصم 125.000 وبعد الخصم 115.000
سوبارو امبريزا هاى لاين اوتوماتيك قبل الخصم 155.000 وبعد الخصم 115.000 - خصم 40 ألف جنيه -
هل يا جماعة الاسعار والخصومات دى طبيعية مع الموديلات دى؟؟؟ مع انى معتقدش يعنى سوبارو مثلا ينزل فيها 40 ألف جنيه وموديل 2010؟؟؟دا لو صاحبها وعايز يبيعها مستحيل يفكر يبيع بالمبلغ دا
دى أول مشاركة ليا فى المنتدى وأول يوم تسجيل برضه
وانا متابعكوا بقالى فترة طويلة لان الوالد عايز يجيب عربية فكنت باخد خلفية من جميع المواضيع اللى هنا وبصراحة الناس هنا جبابرة وأول ما قريت الاعلان دا انهاردة خليت الوالد يشوفوا طبعا عجبوا بس رمالى كلمة ان المصرية للسيارات لا مؤاخذة يعنى
قولتوا اسألك عن الاعلان دا قالى اسأل وبصراحة انتو أول ناس جت فى بالى ومتوسم فيكو خير انكو تفيدونى هل الاعلان دا حقيقى وما هى حقيقة المصرية للسيارات اصل لو حقيقى وموثوق فيه هخليه يجيب i 30 وش يعنى
أرجو الافادة وتحياتى للجميع
