فكرة لملاية السرير
حته حريمي بقى
من الحاجة ربنا يباركلنا فيها
لو عاجباكم العروض بتاعت الملايات في التلفزوين والوانها وفي نفس الوقت سعرها رخيص والاسعار في المحلات غاليا تعملوا ايييييييه
توصل لبتاع القماش فيه عنده قماش مليات بيكون عرضه 140-160-180-240
دلوقتي بقو بينزلوا كل حاجة وكل الالوان
وكمان فيه حاجة كتيييير مرسومة خصوصا لو عاوز ملايات لسراير الاطفال
عليها رسومات اطفال وغير حاجات كتير تشكيلة طبعا غير السادة
هتروح تجيب بالمتر وعلى حسب عرض السرير اللي عاوز تجيبله يعني سرير متر تجيبه 140 سرير 120 تجيبله 160 وهكذا
السرير طوله مترين والمخطة بتاخد حوالي 70 سم يبقى هتجيب 3 متر من نفس اللون او مترين وربع من لون للسرير و75 سم للمخدة
المتر سعره من 7 - 25 جنية على حسب الخامة
وتعدي على اي منجد او ترزي وتقوله يطيها خطين هنا وهنا بياخد 5 - 10 جنية
يبقى كده الموضوع اتكلف كام
اقل حاجة 7×3=21 + 5 = 26 جنية
اعلى حاجة في المعقول 25×3= 75+ 10- 85 جنية ودي خامة محترمة
طبعا فيه ناس غاوية مفارش وحرير ملناش دعوة بيهم
اي خدمة
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|