الاستاذ عمرو
الحمد لله ان العربية مفتحتش معاك اكتر من كدة .... بس زى ما قلت لحضرتك ... العربية زى اى ماكينة فيها اجزاء بتحتاج الاحلال و التجديد ... و هى علشان كدة سعر السيارة المستعملة بيكون اقل من سعر السيارة الجديدة
و من ضمن عيوب المستعمل المعروفة ..... عدم وجود تاريخ واضح للسيارة فى الصيانة .... و من ضمن العيوب فينا كبنى ادميين .... لما حضرتك بتقرر تبيع عربيتك ... بتستخسر تصرف عليها و بتهملها جدا
انا شفت عربية بى ام دبانة زى الفل .... صالونها و ماتورها حكاية ... و بعد ما صديقى اشتراها .. راح يغيرلها زيت .... فتح الطبة بتاعة الزيت .... منزلش حتى ربع كيلو !!!!!
فده اهمال صاحبها القديم .... و الحمد لله ربنا كرم صديقى انها ماجابتش موتور ... انا احترمت البى ام جدا للموقف ده و لمواقف مشابهه تانية شبه الموقف ده......
صديقى نسى يكشف على زيت الكارونة .... و فوجى بعد كام اسبوع ان فيها ونة .... بيكشف على الزيت فيها ... ملقاش فيها زيت خالص ..... غير الكارونة بواحدة جديدة .... ده مش عيب العربية ... دى مشكلة صاحبها القديم و مشكلة صاحبى انه نسى يبص على زيت الكارونى .... على فكرة ... هو ما كانش عارف ان فيها كارونة اصلا
عربيتى الحالية المستعملة كان فيها مشكلة فى الفتيس .... و انا مطنش و مكسل و لما افتكر اروح للميكانيكى يقولى غير زيت الفتيس .... انا منتظر ايه من الفتيس ده ؟!!!! حييجى فى مرة و حيبوظ او حاجة فيه تتكسر
دى مشكلتى و غلطتى انا .... مش غلطة الفتيس
لو حضرتك بتتكلم عن وجع قلب المستعمل ... انا معاك جملة و تفصيلا ... صيانة كتير و وجع قلب الصنايعية لا ينتهى
بس ارجع و اقول لحضرتك .... بصفة عامة .. العربية سعرها ارخص
تقبل مرورى