طرق حساب استهلاك البنزين
مشاكل البنزين لاتنتهى وللاسف بقى عندنا كل انواع المشاكل سواء فى الجودة او حساب الاستهلاك والاتنين بقو يعملو مشاكل من نوع تالت ما يعلم بيه الا ربنا زى ما فى الصورة ديه وزى ما بنشوف فى العربيات الحديثة (اغلبها) اليومين دول
وطبعاً حساب استهلاك البنزين ليه طرق كتير وكل شيخ له طريقة زى ما بيقولو فعايزين نجمع اشهر وافضل الطرق اللى بنستخدمها لمتابعة استهلاك البنزين
انا عن نفسى بحسبها من غير اجهزة العربية خالص بانى بحط مثلا بخمسين جنية كل مرة (نفس الكمية) وكل مرة بعد ما امون اصفر عداد الرحلات ولما ينور احمر تانى اقيس عمل عداد مسافة كام واتابع الموضوع على كذا مرة
الطريقة ديه برضو بتعتمد على العربيه وقراية عوامة البنزين ولمبة التانك وبالتالى وارد فيها التخريف برضو بس اعتقد اقل من امكانيتة فى الاجهزة الحديثة خاصة مع اختلاف جودة البنزين من مكان عن التانى
ياترى انتو بتحسبو وبتابعو استهلاك البنزين بصفة دائمة ولا كل قد ايه وبانهى طريقة وبتعتمدو على الاجهزة الحديثة فى العربيات ولا طرق تانية
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
التعديل الأخير تم بواسطة AbOnOrA ; 11-01-2015 الساعة 08:58 PM
|