استفسار ميكانيكي مهم للباشمهندس سمير, سوزوكي فيتارا
السيارة سوزوكي فيتارا ( جيو تراكر)
1600 8 صباب هاف انجيكشن
1991
200 الف كيلو
فابريكه بره و جوة
موتور الفابريكة (عمل نص عمرة من سنه تقريبا)
العربية باقت تنتش و مبرجلة معايا من 3 ايام , الشكمان كان جوان الفرن ضارب فقلت جايز البرجلة و الصوت العالي منه! روحت غيرته النهارده برضه العربيه بتغيب في الدواره و لما تدور تفضل لازم تحضرلها بنزين لما توطى تبطل!!!
ميكانيكي ابن حلال قاللي بوجيهات, غير طقم بوجيهات جديد نفس الموضوع, فك عمة الهواء برضه نفس الكلام , جاب سبراي جنك امريكي منظف كربراتير و قعد ينظف الكربراتير اللي تحت العمة (اعتقد علشان هاف انجيكشن بيبقى زي رشاش بيرمي في كربراتير) و قعد يحرق برضه مفيش فايدة, بيقوللي صباب معلَق !!!!
و في الاخر قاللي لازم نفك الموتور, بيقوللي حتكلف 500 جنيه! مبلغ قليل جدا!!!
كنت عند سوزوكي بركات من شهرين سمع صوت الموتور قاللي الموتور عايز نصف عمرة او زي طقم شنبر! و النهاردة الموضوع ده
انا بصراحة خدت العربيه و روحت البيت! ايه رأيك؟ ممكن يكون الحقيقة ايه؟ و حتكلف كام؟ و اعملها فين احسن؟ سوزوكي بركات؟ واللا حضرتك ممكن تعرف حد بيفهم و بيشتغل في العربيات دي احسن و ارخص؟
|