المشاركة الأصلية كتبت بواسطة AbOnOrA
التمبرا اخر حاجة حلوة عملتها فيات بعد ال 131 و ال132
موتورها هو نفسه اللى فى الدوجان التركى على نفس البودى واقوى من موتور الشاهين على نفس البودى تقريباً
ميزة التمبرا كمان ان فيه منها كتير نزل استيراد الفترة اللى فاتت بصفة سيارات معاقين وبالتالى حالتها كمستعمل احسن بكتير من اللى طول عمرها مستخدمة فى الطرق المصرية
فانا شخصياً ومن تجربتى مع الدوجان انصح بالتمبرا بس مش مهم انا رائى ايه المهم انت اللى هيناسبك وايه الحالات اللى قدامك
يعنى مثلاً لو قولنا ان التمبرا احسن بس ملقيتش حالة كويسة او لقيت حالة معقولة وقدامها رينو بحالة ممتازة يبقى الرينو تكسب علشان الحالة الافضل تكسب
كمان العربية اللى هتجيبها لازم تبقى عارف الصنيعية بتوعها وبياعين قطع غيارها وتبقى عارف المصروف اللى فيها كام وفى حدود ميزانيتك ولا لاء وده اللى بيحددة حالتها برضو
فحضرتك جمع اراء الاعضاء عن كل العربيات واقراء المواضيع القديمة عن كل عربية والسوق والحالات اللى قدامك هى اللى هتحسم المقارنة ان شاء الله
|
لو نزلت السوق هتقول التمبرا طبعا أفضل، المعروض أكتر وفيه تنوع، لكن المشكلة إن معظم المعروض 92 أو 94 والحديث 98 و 99 اللي حضرتك بتقول عليه غير مرغوب (بلغة السوق الديجتال) ليه معرفش، ودا اللي مخوفني إني أجيب عربية موديل أكتر من عشرين سنة.