المشاركة الأصلية كتبت بواسطة dr_eslam_66
ألف ألف مليون ترليون مليار دشليون مبروك عليكي العربية وربنا يكرمك بيها ويديكي خيرها ويكفيكي شرها ويباركلك فيها ويجعلها قدم السعد وبشرة الخير عليكي إنشاء الله.
معلش المبروك جاية متأخر شوية بس هنعمل إيه بقى الدنيا.
بصي خير الأمور الوسط والدنيا ما إتخلقتش في ساعة زمن وأنا حاسس بزنقتك بعد الكاش لأني قرصت على نفسي ومريت بنفس المشكلة.
الحمد لله المهم نفسه إنتي عملتيه وفيه ترتيب أولويات.
الأولوية الأولى إنك جيبتي العربية الهاي لاين علشان دا قرار ماينفعشي ترجعي فيه بعد ماتتوفر معاكي الفلوس.
دلوقتي بقى نرتب الدنيا واحدة واحدة, الأول فرش الأرضية والشنطة دا يكون بأحلى فرش تلاقيه في السوق لأنك مش هتعرفي تخلعيهم بسهولة, كسوة الكراسي تقدري تشوفي أي حاجة تمشي معاكي دلوقتي, بالنسبة لرخصة العربية مش مشكلة ممكن تعمليها سنة ولاونك هتتعزبي في الطابور السنة الي جاية ربنا مايوريكي, هاتي طبعا طارة للدركسيون لأنه فعلا بيتأثر بسرعة في معظم العربيات.
زي الإخوة الأعضاء مانصحوكي كتر ألف خيرهم اولا لااازم تحافظي على العربية في فترة التليين وخليها أول ألف بس مش هنقول خمس تلاف (بلاش تكييف بلاش سرعات زيادة أو بالتحديد قرص على المكنة) حاولي لو مش هتسوقي بنفسك تفهمي الي هيسوق كويس قوي إني العربية دي مش عربية وخلاص لا دي عربيتي وزي ما بقلك تستخدمها هتعمل.
في الآخر هقولك ألف مبروك تاني.
|
ربا يعزك و يعليك يا دكتور الحمد لله ركبت الأرضية و الفرش و رخصت
حكاية التكييف و السرعة دول فعلاً مضايقني لأني خالي بيسوقلي و حاولت كذا مرة أخليه مش يشغل التكييف بيزعل و كمان بيفتح على 120كم فححاول الفترة الجاية أدور على سائق و خلاص خصوصاً إن الكام مشوار إللي خرجناهم عملت 11لتر بنزين في 100كم يعني خراب بيوت مستعجل لأنه مصر يشغل التكييف على آخره و كل ما أوطيه يزعقلي و يرجع يعليه و مش بيهدي إلا قبل الرادار و أنا أعصابي خفيفة جداً جداً ناحية لوجي حبيبتي
عموماً سلمت يا أخي الكريم