[حبيب الناس]

المشاركة الأصلية كتبت بواسطة khalid awad أستاذ / حبيب الناس بيقولوا ان الميه الحمره أنسب للريدياتير الالومنيوم في رأيك ده صحيح طيب دلوقت انا العربية لسى جايبها فتحت الريدياتير لقيته فيه ميه لونها أحمر مش بس كده القربه كمان مرسب على جوانبها لون احمر هل في طريقه اعرف هل ده صدأ و لا ميه حمرا ملحوظة : الحمد لله مافيش عندى مشكله سخونه

استاذ خالد هيا العربيه عندك موديل سنه كام ؟
بالنسبه للون الميه المصنع هوا اللي بيحددها
المياه الخضراء او الزرقاء
عبارة عن مياة ملونة + مكونات كيميائية يدخل فى تركيبها nitrite/borate او nitrite/molybdate inhibitors و دية بتبقى مركبات لمنع الصدا و بتبرد اسرع. و فية منها الوان ذى الاخضر و الازرق.
وهذا النوع يفضل للمواتير الزهر ودورات التبريد النحاس

المياة الحمراء
عبارة عن احماض عضوية معروفة بOrganic Acid Technology (OAT) او NOAT) Nitrited Organic Acid Technology. و عادة لونها برتقالى او احمر برتقالى.
وهذا النوع يفضل للمواتير و دورات التبريد الالومنيوم

لكن مصنع ماروتي الهندي بيحط مياه خضراء م عارف ايه السبب

ثانيا فيه معامل هام جدا وهو تركيز المياه لان كلما زاد تركيز المياء اصبحت تكتسب الحراره بنسبه قليله ودرجه غليانها مترتفعه جدا مثلا150 درجه حتي تغلي ولكنها تفقد الحراره بعصوبه بمعنا انك يجب ان تتركها فتره اطول حتي تبرد وهذه النسبه تصلح للدول التي درجه حرارتها منخفضهه جدا وتصل للتجمد

وقلما قل درجة التركيز قلت درجه الغليان مثلا 120 درجه حتي الغليان ولكنها تفقد الحراره اسرع وده تصلح للبلاد زات درجات الحراره المرتفعه
انا سمعت ان نسبه في بلادنا العربيه مابين 15% الي 20% هيا انسب تركيز
يجب زيادة الفقد من المياه في دروة تبريد السيارة بمياه مقطره الميه اللي بتخرج من المكيفات ممكن نعبيها في جركن نضيف ونزود منه الريداتير
اوعي تزود ميه من الحنفيه مليانه املاح وتخلي الماتور يصدي من الداخل

الموضوع محتاج اتطلا اكثر بس يارب مكنش طولت عليك وتكون استفدت

بالنسبه للترسبات الخظراء حوالين الاربه ده عباره عن بخر ميه اثناء سير العربيه ترسب علي الاربه مش صداء
لون الصداء بني بتكون الميه لونها بني او اسود