[فادى]

المشاركة الأصلية كتبت بواسطة mazda323 الأخ الفاضل سؤال من فضلك كيف تحكم على السيارات اليابانية انها سيارات سخيفة الشكل والأدء من اي منطق حكمت السيارات اليابانية سيارات عملية ممتازة عمرها طويل مشاكلها قليلة عمرى ما سمعت ان حد اشتكى من سيارة يابانية اللى يشتكى دايما اصحاب الفيات ومشاكلها التى لا تنتهي واعطالها الكثيرة هل كدا يكون لكل شخص حرية رأى في التعبير عن السيارة اللى تريحه ، واعذرني لوسمحت من لم يقد الفيات لم يقد اسمحلى بكل احترام للفيات انا قدتها ولم تعجبنى سيارة الفيات من ثقل دركسيونها وبطئ حركتا ونشفانها الغير مقبول اسمحلى المقولة غلط ممكن الفيات ليها عشاقها بس الياباني له محبينه والناس اللى بتقدره وتقدر معنى كلمة يابانى وتقبل مرورى تامر عاشق المازدا

متجيش تقارنلى عربية بقالها 40 سنة ماشية و تقولى الناس بتشتكى من أعطالها, العمر الافتراضى للسيارة 10 سنين يعنى دى عربية ماشية 4 أضعاف عمرها الافتراضى, و لسه بموتورها اللى نزلت بيه,
طيب هاتلى عربية واحدة من اليابانى اللى انت بتقول انو عمرها طويل عاشت 40 سنة؟
هو كان فين اليابانى أصلا وقت ال128 و ال131؟
على فكرة كان بينزل مصر, لكن 90% منها اترمى و اتفك و اتباع خردة لأنه لم يعد صالحا للاستخدام, و اللى بقى منها مجرد هيكل فقط نازلها موتور استيراد و العفشة متغيرة بالكامل.
فين بقى العمر الطويل اللى انت بتتكلم عنه؟
اذا كانت هناك سيارات عمرها طويل فهى الفيات 1300 التى ماتزال تقاتل بشرف ل50 عاما فى شوارع المحروسة, و معظمها ما تزال تحتفظ بمكوناتها الأصلية.
تويوتا قمة اليابانى و أقصى ما تفتق عنه عقل اليابانيين فى مجال السيارات أرادت ذات يوم أن تحتفل بمرور 50 عاما على انتاج أول سيارة, و حاولت أن تجد سيارة واحدة فقط من نوع "تايب ايه ايه" التى كانت تنتجها فلم تجد!!