[د0تامر محمد]

زاد الإلحاح على شراء سيارة بمبلغ متواضع وتم حصرها فى ال128 التى لا أقتنع بها كسيارة طيلة حياتى وأعتبرها من أسوأ السيارات لضعفها كشاسية وموتور وعدم ثباتها وكثرة أعطالها لكن ما باليد حيلة !
وعندما كنت عند الميكانيكى لتغيير تيل فرامل سيارتى سألته أن كان يعرف أحدهم يبيع سيارة 128 فى حدود معقولة فإذا به يقول أن طلبى عنده!!
ولم تكد تمر لحظات حتى جاءت السيارة التى بدت فى وقفتها جيدة وبدا صاحبها رجل وقور محترم!
وبعد رؤيتها وجدت أنها تكاد تكون متهالكة وهى مو86 وأخبرت الوالد بها بعد أن شكر لى الميكانيكى فيها وهو رجل أثق به بعد تعاملى معه لسنوات خاصة وأن سعر السيارة كان مغريا جدا!!
وجاء الوالد لرؤيتها وقال بعد أن رآها:
- حلوة بالنسبة لسعرها نخبط فيها شوية وبعدين نبيعها
قلت مترددا:
- انا شايف إنها أى كلام وح تقرفنا
- جربها وشوفها
وقمت بتجربتها 00
موتورها خفيف ويحتاج لعمرة قريبا والسيارة تهتز بشكل مريب علاوة على أن فراملها فى الضياع00 وصوت ونّة البلى صداع فى رأسى!!
قال الميكانيكى:
- الموتور ح أظبطهولك00والفرامل نسحب هواها تبقى تمام وشوية شغل فى العفشة جوز مساعدين وكبالن ومقصات تبقى زيرو
قلت ساخرا:
-يعنى عربية عايزة عربية!
كان التابلوه مقرف ومتهالك وكاسيت لا يعمل وعداد لا تعمل والبرومة مطقطقة البوية فى كل مكان 00بصراحة سيارة تسد النفس لا يوجد بها إلا فيتيس سليم وطقم فرش جلد محترم والباقى كله عايز تغيير!
قلت هامسا لأبى:
-العربية دى أسوأ 128 شفتها فى حياتى00سيبك منها
قال بإصرار:
-نأخدها نظبطها ميجراش حاجة
-إنت حر بس أنا ماليش دعوة بيها 00أنا قولت لك العربية دى نكسة
وإذا بأبى يتكلم مع الرجل فى السعر ويصل لسعر مغرى جدا
قلت لأبى؛
-والله ولا ببلاش آخدها
- توكلنا على الله
وأشتراها وانا فى غاية الأسف فسوف يخسر فلوسها والعوض على الله
وهكذا أشتراها وتم تدبيسى فى عمل صيانة شاملة لها بعد أن ركبها وفاق وقال ك
-العربية دى كده خردة هيه عاملة كده ليه؟
كدت أقرع رأسى وأنا أقول:
-أمال إحنا كنا بنقول أيه؟
وهكذا وقعت الرأس فى الفأس وتم تدبيس العبد لله فى قطعة خردة يلف بها على الورش00
وماحدث كان أطرف
تتبع