السلام عليكم ورحمة الله وبركاته
الأخوة الأعضاء الكرام والسيد المهندس سمير عياد المتميز
انا علي منتداكم بقالي فترة بسيطة مش كتير انما معجب جدا بمستوي الحوار والمستوي الثقافي عموما والمستوي الثقافي الخاص بالسيارات
انا طالب مساعدتكم القيمة فإنكم تفيدوني بخصوص ميكانيكي متخصص بولو 97 بالأسكندرية ويكون عنده قطع غيارها لأن انا تعبت والله من اشتغالات الصنايعية ليا وصرفت دم قلبي فلوس
وعربيتي من يوم ماجبتها وهي مش مريحاني لأن صاحبها كان مهمل أوي فيها وانا مع الأسف اتسكيت فيها او بمعني أصح اتباعت لصالح صاحبها واللي بعمله دلوأتي اني بحاول اظبطها تماما عشان تكون صالحة للسفر لأني بسافر كتير اوي
واكتشفت مع الأسف الشديد انه صاحبها معدل تعديلات كتيره اوي فيها بدون وعي وفهم .... منها مثلا مركب جنوط اسبور مقاس 14 ووزنها تقيل جدا وحتي شكلها مش حلو .... المهم يعني الحمد لله علي كل حال اتمني تفيدوني بخصوص ميكانيكي كويس وعنده قطع غيار البولو 97 بالأسكندرية ولو رقم تليفونه عشان اقدر اكلمه يوصفلي مكانه بالظبط اكون شاكر جدا
سؤال اخير للباشمهندس سمير عياد انا عندي تقل فظيع في الدركسيون والسياره متعدله من باور إلي اسكترا عادية ولسه شاريها جديد - انما شاكك انه الميكانيكي يكون ركب حشو سكاترا وريح دماغه - فهل تقدر تفيدني يا باشمهندس انا عندي صوت خبط معدني في الدركسيون وتقيل جدا وساعات بيخف والعربيه دايما بتجيب كوبلن يمين معايا ماعرفش ليه غيرته مرتين فأربع شهور لحد دلوأتي .
وشكراً جزيلاً لزملائي الأعزاء جميعاً