[إبراهيم عثمان]

السلام عليكم ورحمة الله وبركاته

أنا طول عمرى بشوف النيسان صنى على إنها إرتفاعها كويس ومش واطية زى عربيات تانية

الغريب بقى إن كان ليا لقاء مع قيادة نيسان صنى 2003 أتوماتيك ( خالى إشتراها )
واللى حصل إنى رحت بيها من الهرم للزقازيق والرجوع وإستغربت جدا لأننا كنا تلاتة وأوزان متوسطة - إن لم تكن خفيفة - والشنطة فاضية تماما والعربية بتحك فى أى مطب إلا لو هديت على الآخر خالص - يعنى أقف خالص قبل المطب وأخلى العربية تمشى من غير ما أدوس بنزين - وابن خالى حتى الآن بياخد المطب بهدوء وبالجنب وبيقول واحد صاحبه معاه نفس العربية وبيعمل نفس الحوار

دلوقتى أنا عايز أعرف من فينا اللى غلط