[ابوشروق]

المشاركة الأصلية كتبت بواسطة hanyemad488 السلام عليكم الاخ الحبيب ابو شروق انا عندى سخان غاز 10 لتر اولمبيك كنت ركبته من 3 شهور و ابتديت استعمله من الشهر اللى فات السخان راكب فى الحمام الكبير لما اشغل حنفيه الحوض فى الحمام بيشتغل كويس ما فيش مشاكل و البانيو برضه بيشتغل و حوض الحمام الصغير برضه بيشتغل بس لو فتحت الميكسر بسيط ما بيتغلش لازم افتح الميكسر على اكتر من نصه علشان السخان يشتغل و برضه لو حاولت اخلط المياه ساقع و سخن بيفصل دى مشكله المشكله الاكبر ان المطبخ الخلاط اللى فيه لما افتح المياه السخنه السخان ما بيقومش خالص حتى لو فتحت الحنفيه على الاخر حاولت كذا مره معاه و برضه مش بيشتغل مع المطبخ المسافه بين السخان و خلاط المطبخ تقريبا 3.5 متر بس (الحمام الكبير بعديه الصغير بعديه المطبخ ) كمان لاحظت ان لما افتح المياه السخنه على اخرها فى المطبخ كميه المياه الخارجه من الخلاط مش بتبقى كبيره اوى بالنسبه لسباكه الشقه فيها قديمه مش جديده مش عارف العيب فى السخان ولا فى خلاط المطيخ و لا المواسير مسدوده كمان فى حاجه غربيه حصلت امبارح البلاعه اللى فى الحمام الصغير لقيت طالع منها مياه فيها رغوه مسحوق مره وحده كده و كانت المياه سخنه مش ساقعه انا ما كنتش مشغل الغساله بس شكلهم الناس اللى فوقى كانو مشغلينها انا فى الدور الثانى وفوقى 4 ادوار انا بصراحه اتخضيت من المنظر (عامل زى افلام الرعب ) برضه لاحظت انى بسمع من البلاعه دى دايما صوت لما بيبقى فيه مياه بتصرف من فوق البلاعه دى تقريبا شايله صرف الغساله مع حوض الحمام الصغير (مش متأكد ) ايه بقى حكايه البلاعه دى ياريت الافاده فى المشاكل دى منتظر ردك

السلام عليكم ورحمة الله وبركاته
الاستاذ الفاضل
شكرا على ثقتك الغالية
بخصوص السخان يجب تغير كاوتشة رداخ المياه
بأخرى تكون خامتها كويسه ومرنه وسعرها تقريبا 5 جنيهات
وهذا العيب بسبب تمدد كاوتشة الرداخ عن حجمها الطبيعى وبدورها تؤثر على أستجابة السخان لتشغيل مع فتح المياه
بخصوص السؤال الثانى ليه أستفسار هل مواسير الصرف الصحى من الزهر او البلاستك pvc
أرجو من سيادتك تقبل تحياتى ومتابع مع حضرتك
أخوك أيمن أبو شروق
01005314147
01287710555