رد: أخيرا بعت الاسبرنزاA516
أشكر الأخ/ أبو نورة.... والأخ/على الشرفانى من العراق ..وأشكر كل من بارك وهنأ..فعلا العربية دخلت مزاجى بصراحة والكماليات اللى فيها وإن كان لى بعض الملاحظات لم أجدها فى البى واى دى ( ال 3 ) الاوتوماتيك وكانت موجودة فى ( الاسبرانزا 516) مثال
1: درج التابلوه مفهوش لمبة إضاءة
2:لايوجد فتح الشنطة من بعد بالريموت ( شداد بجوار كرسى السائق زى تانك البنزين )وضغط باللمس على زرار بجوار الكاميرا من الخلف.
3:مشكلة تصقيف بس مش على طول وده لما بتهدى وتدوس فرامل عند المطبات وتدوس بنزين وده لما بيبقى الغبار على (D2 ) مش على (D1)متهيألى زى كل العربيات على الغيار التانى بتعمل كده.
4:العربية فى المشى غول بمعنى الكلمة 150...160..بتسرقك فى المشى زى مابتقولوا.
5:مرتاحة فى المشى والمطبات والعفشة بسم الله ماشاء الله مش ناشفة زى الاسبرانزا.
6:مشكلة التليفزيون مش بيلقط اشارات قنوات( يمكت عشان انا هنا فى البحر الاحمر ومفيش قنوات ارضية محلية على تردد UHV والجى بى اس مش شغال ومش عارف اشغله والاواكسAUX بيفصل.ولكن للأمانة صوت سماعات جبار على (1) وببقى متضايق من الصوت فما بالك على (40).
7: العربية استلمتها على 27 كم والان 450كم ومش عارف اغير زيت ايه على صيانة ال 1000كم...أرجو النصيحة فى ذلك وهل فعلا سير الكاتينة جنزير زى ما بيقولوا لان الموتور 1500
واذا استجد شىء فأنا هنا وانتم معى أخوتى الاعزاء
|