المشاركة الأصلية كتبت بواسطة TELEBK
السلام عيكم ورحمة الله وبركاته
كان عندي عربية فيات أونو بدون تكييف موديل 2002 بولندي ، وفضلت معايا سنتين وبعدين بعتها وحبيت أنقل لحضراتكم التجربة كما عشتها ، للإستفادة
أولا : مميزات العربية الأونو :
1- ماتورها 1000 cc ، وده معناه إنها إقتصادية جداً في البنزين " بتشم ريحة البنزين " .
2- شكلها حلو وإنسيابي جدا ، وخظوطها الخارجية ناعمة ، وده بيديها أفضلية في عملية إختراق الهواء .
3 - سريعة وسحبها يديها أكبر من ال cc بتاعها .
4 - عائلية ومناسبة لأسرة مكونة من زوجين وطفلين .
5 - واسعة من الداخل وقاعدتها مريحة .
6 - أبعادها تقدر تلمها بعنيك وإنت جوه العربية .
7 - ماتورها سهل إنك تشوف كل جزء فيه جوه الحوض بتاعها .
8 - خفيفة الوزن - 630 كجم - و تقدر أي ست تزقها بسهولة .
9 - لوحة العدادات بتاعتها بسيطة تقدر تقراها بكل سهولة .
10 - حجمها الخارجي صغير وتقدر تركن في أي مساحة صغيرة بسهولة .
11 - فتيسها ناعم جدا جدا ونقلاتها متحسش بيها .
12 - تقفيل العربية من الداخل كويس جدا .
ثانيا : عيوب العربية الأونو :
1 - قطع غيارها غالية جدا .
2- فيه قطع غيار ليها مش موجودة جديده وتتركب مستعملة " وبختك ياأبو بخيت ".
3 - العربيه بسكوته خالص يعني حته غريبة ، شاسيها ضعيف جدا من أي خبطة إن شاالله في رصيف ولو بسيطة يتأثر الشاسيه علي طول وإستعداله مؤرف وصعب يرجع زي الأول بسهولة .
4 - شنتطها صغيره جدا ، يعني في أي سفر صعب أنها تشيل كل الشنط وتحتاج شبكة .
5 - مش بتاعة بهدلة وطرق مدغدغة وسفر في مناطق وعرة يعني عايزة طريق محترم وكويس علشان تديك أفضل آداء ليها .
6 - إعتمادها الكامل علي الكهرباء يخلي أي سلك يضرب فيها أو حتي يحصل ليه حاجة يبرجل العربية كلها وتحس إنها مش مظبوطة .
7 - في رأيي إنها تناسب الستات أكتر من الرجالة " إللي إشترت العربية بتاعتي واحدة ست كانت بتدور علي أونو ".
8 - عفشتها ضعيفة جدا مش بتاعة طرق مكسرة وتتأثر بسهولة من الطريق .
9 - واطية من الأرض ولو 3 قعدوا ورا وخدت بيها مطب تاني يوم أكيد وإن شاء الله وبدون مقاطعة بتروح علي بتاع الشكمانات يروقهالك من تحت .
مع خالص تحياتي
د / خالد ptmnlo123per154
|
شكرا على التقرير
بس انا معايا اونو بقالى فترة اهو داخل على سنه
وليا تحفظات على كلام حضرتك لو تسمحلى يعنى
اولا انا هتكلم على الكربراتير مش الانجكشن عشان بينهم فرق كبير اوى لان الانجكشن اسوء فى حاجات كتير
1- قطع غيارها مش غاليا تماما وهى اقل او زى الشاهين يعنى الفئة الى بعد 128 علطول
2- كل قطع غيارها موجودة انا عملت ليها عمره ولقيت كل حاجة ولما حاجة بتبوظ الحمد لله بجيب ليها بعد القطعه 2 وعند ناس كتير ويمكن حصلت قريب معايا مشكلة فى الاسبراتير واتركب فيها جزء مخلوع من الريجاتا ((يعنى البدائل متوفره))
3- شاسية العربية والاكصدمات شافت منى البدع ولا حصلها حاجة والحمد لله وهحكى شوية مواقف
أ- وانا بتعلم سواقة رفعت رجلى من الدبرياج العربية فضلت تنط لانى فضلت دايس بنزين وخطبت فى رصيف وعدت الناحية التانية لحد ما خطبت الرصيف التانى وكل دا وخداه نطات...((الاكصدام بس اتشرخ من تحت وحصل شرخ بسيط فى كارتيرة الزيت وصلحت الكارتيره و والاكصدام مش باين اوى لانه من تحت )) ودى صدمة جامده على اى عربية يعنى
ب-ماشى وقدامى نوبيرا والمدام الى فيها وقفت مرة واحدة خبطت انا فيها وكنا ماشيين بسرعة وخبط فيا شاهين ورايا وخطب فى الشاهين تاكسى وراها وكل خبطة من دول بتسمع فيا...((الشبكة بس اتشرحت فيها حته بسيطة وحتى مش وقعت ولا غيرتها ولا حاجة والكبوت مبقاش يتفتح استعدلته عند سمكرى بايده شدهولى كدا ب10 جنيه والاكصدام الى وراه ولا حصله حاجة مع انه الشاهين الفانوس فيها اتكسر والحمد لله))
4- بالنسبة للشنطة مش اعرف لانى مش متجوز يعنى
5- موضوع الكهربا مش عارف قصد حضرتك بية اية
6- تناسب المدامات فى الشكل عادى زى البيكانتو كدا بس عادى لما يسوقها راجل واحلى شغل بيها بيعمله ولاد يعنى ولامؤخذة ptmnlo123per111 ptmnlo123per111 ههههههههههه
7-العفشة بتستحمل نسبيا لان الحته الى قبل بيتى كانت بتترصف وكانت زى الزفت لمدة 6 شهور وحفر وقرف وبتاع بس صمدت معايا الحمد لله
8- موضوع انها واطية على الارض فـ هى اعلى من عربيات كتير فى الفئة دى بس دا طبيعى انه معظم العربيات لما تحمل وراه كتير هتوطى .... وبعدين لية تقعد وراه 3 هو مافيش تكسيات ههههههههههههههههه
((مع انى وانا راجع من الشغل كل يوم فى 3 بيقعدوا وراه معايا))
ptmnlo123per111 ptmnlo123per111 ptmnlo123per111
تحياتى أخوك
م/ أحمد