[rafekmatitto]

المشاركة الأصلية كتبت بواسطة حازم شاهين بسم الله تعود ملاك سيارات إسبيرانزا على ظهور لمبة الصيانة الدورية كل خمسة ألاف كيلومتر و لمن لا يعلم فلمبة الصيانة على شكل مفتاح إنجليزى باللون الأحمر و يعتمد عدد كبير منا على الذهاب لمراكز الصيانة لعمل الصيانة الدورية و بالتالى إطفاء لمبة الصيانة المزعجة و لكن عدد كبير من اصحاب السيارة بدأ فى الخروج من الضمان و بالتالى لن يكون ملزما بالذهاب لمراكز الصيانة فى المواعيد المحددة و تفضيل إجراء الصيانة الدورية خارج التوكيل توفيرا للوقت و النفقات و لهذا أقدم اليوم الطريقة التى يتم بها إطفاء لمبة الصيانة دون الحاجة للذهاب للتوكيل و فى البداية سنستخدم مفتاح الكونتاكت زر ضبط عداد الرحلات (المشار إليه فى الصورة بالسهم الأصفر) زر ضبط الساعة (المشار إليه فى الصورة بالسهم الأحمر) و الخطوات كما يلى 1- قم بإدخال المفتاح فى الكونتاكت دون إدارته 2- قم بالضغط على زر ضبط عداد الرحلات (المشار إليه بالسهم الأصفر) و استمر فى الضغط 3- أدر المفتاح فى الكونتاكت و لكن دون تشغيل الموتور 4- أترك زر ضبط عداد الرحلات 5- إضغط بسرعة على زر ضبط الرحلات + زر ضبط الساعة (المشار إليه بالسهم الأحمر) فى نفس الوقت مرة واحدة سيتم إطفاء لمبة الصيانة إن شاء الله فى حالة عدم إطفاء اللمبة أعد الخطوات مرة أخرى فنجاح هذه الطريقة تعتمد على توالى الخطوات فى وقت مناسب و العملية كلها لا تأخذ أكتر من خمس ثوانى

والله العظيم انا بشكرك جدا يا حازم بيه لان التوكيل عامل الموضوع ده زي الاسرار العسكريه اه والله ده رفضوا يقولولي ازاي اطفي اللمبه مع ان ده حقي بجد شكرا قوي قوي قوي لان شكلها مزعج كل لما تدور العربيه