[moh2011]

المشاركة الأصلية كتبت بواسطة هيثم 2013 الحمد الله اشتريت الوجان بعد ما بعت الفيرنا يا اخوانى اخيرا اشتريت اللوجان فعلا عربية محترمة وقيادتها جميلة وممتعة القصة اننى منذ سنتين كنت مقتنع بالفيرنا ورحت اشتريت الفيرنا عربية كويسة مش وحشة ولكن فى السفر اعوذ بالله كل مطب بتحك فية متقولش عاشقة المطبات والعفشة بتعتها معقولة المهم كنت مقتنع بها لغاية ما اخى حب يشترى سيارة روحت انا قلت له الفيرنا ياباشا قالى لا فيرنا ولا لانوس ولا ولا ولا ثم قالى انا اخترت لوجان بتقول لوجان يبقى انت عبيط ومش عارف فى العربيات حتجبها حتخسر فيها المهم اشترى اللوجان وكان مقتع بها ومرت الايام وكان بيحط اللوجان بجانب الفيرنا وكانت البداية من هنا بحس بأن الواقف بجانب الفيرنا غول وتحس الفيرنا معزاية اسف لاصحاب الفيرنا طبعا العربية اللوجان بالنسبة بالفيرنا اكبر واوسع واعرض وابتدا المشوار واللعب فى الدماغ وكل شوية اطلب منه المفتاح اللوجان بحجة ان بلين العربية وركبت العربية والمفاجأه كانت لااتوقعها بفرق كبير بين الفيرنا و اللوجان طبعا اللوجان واسعة وكراسيها الخلفية واسعة ومريحة وكنت حاسس راكب عربية تمنها لاتقل عن 120 الف او اكثر حاسس راكب عربية محترمة وقيادتها مميزة وممتازة وعفشتها نعمة حاسس راكب سيارة جب بالنسبة بالفيرنا المهم اقتنعت بها ورحت روحت اجرب الفيرنا واشوف الفرق وتبين لى اننى راكب 128 معدلة بطريقة نظيفة شوية او حضارية لااكثر ولا اقل اغلقت السيارة وفكرت ان ابيعها باى ثمن ودماغى استمر يفكر لمدة اسبوع حتى قررت ان ابيع الفيرنا واكمل واجيب لوجان وفعلان لن يرتاح لى بالى خلال شهر ونصف حتى بعت السيارة وبعدها بشهرين كملت على الفلوس ورحت التوكيل وحجزت عربية واستلمتها بعد 3 شهور ونص تقريبا فعلا عربية تستاهل فيها الفلوس ولو العربية كانت 90 الف لو كنت حشتريها اللوجان عربية ممتعة وفخمة عن الفيرنا (انا بقول كخبرتى لما كانت الفيرنا معى ) وواسعة ونعمة جدا جدا رغم ان الفيرنا سحبها اشد من اللوجان ولكن اللوجان قوية جدا وسحبها ممتاز (اصلى فى ناس غاوية شد وجرى بالعربيات ) والشد والجرى بالعربيات بتهلك عمر العربية.... والتكيف فى اللوجان شديد وسحبها مع التكيف ممتاز اما بالنسبة بالفيرنا سحبها بالتكيف تحس كانك دايس على الفرامل حاسس راكب عربية بمعنى عربية وبهذا الثمن عربية فرنسى محترمة كما حسيت بكل شى فى العربية باحساس الفرنسى بمعنى مختلف عن احساس الكورى طبعا فى اختلاف كبير بين الكورى والفرنسى فى ناس كتيرة مش مقتنعة بالعربية ولكن انصحهم ان يجربوا قيادة اللوجان وبعدها يحكموا على كل حال انا شايف ان العربية بتنتشر وتزيد كل يوم عن الاخر اعتقد ان بالفعل اللوجان اثبتت ومازال بتثبت وجودها انا بشكر كل عضو فى المنتدى وخاصة اعضاء اللوجان الذين لم يبخلوا عننا اى شئ فى العربية واهم حاجة كنت ملاحظها المصداقية بين اعضاء المنتدى على العربية وعيوبها ومميزاتها واخيرا وليس اخيرا اتمنى من الجميع يارب ان تتحقق احلامهم ويرزقهم الله بل خير

الف الف مليون مبروك وان شاء الله ربنا يبارك ليك فيها ويديك الافضل