[ahmedraafat00]

للأسف مشكلة أستهلاك البنزين الجنونى مازالت قائمه
أمبارح روحت أفول لقيت العربيه اخدت 28 لتر بنزين وهيا المفروض ماشيه 58 كيلو فقط من بعد اخر تفويله !!!!!!
انا خلاص تعبت مش عارف فيه ايه تانى اغيره بعد كل ده اخر مره دافع 2500 جنيه وكل حاجه تالفه كنت بقول للميكانيكى يغيرها فيه ايه تانى !!!!!!!!
أنا خلاص قربت أشك فى نفسى وفى سواقتى وقربت أشك فى الناس اللى حوليا ان حد يكون بيفتح التانك ويسرق البنزين !
كل مره بروح للميكانيكى بيكون فى مشكله او عطل كبير وبقوله على مشكله البنزين دى يقولى كده ان شاء الله هتلاقيها اتحلت لان الحاجات اللى ظبطناها كانت عامله خلل للموتور مش عارف ليه حاسس انه بيكروتنى فى المشكله دى بالذات أخر مره قالى ان الكهربا مكنتش مظبوطه ودى كان ليها علاقه بالمشكله وفى الغالب اتحلت لكن للأسف امبارح اخدت الصدمه الكبيره
هل حضرتك تعرف فيه ايه تانى ممكن اقوله عليه يشوفه او يغيره ؟
ملحوظه فى خرطوم كده اسمه الترموثتات تقريبا الخرطوم ده مش متوصل عندى وناس كتير بتفضل انه يكون مفصول هل ده ممكن يكون ليه علاقه بالمشكله ؟ او لو اتوصل المشكله تتحل ؟