[أيمن الروبي]

المشاركة الأصلية كتبت بواسطة jojojojojo معلش عندي نيسان صني بس دهان الاكصدامات بالذات مع اقل حاجه بيتجرح وبتطلع البويه غير طبعا دهان جسم العربيه مليان تجريح بمجرد شنطه واحده وهي ماشيه جرحت فيه او عجله لمسته او التراب وانا بمسحه فياريت تقول حل يقدر يحمي الدهان لاطول فتره ويحافظ عليها ولو تتقدر تقولي الدهان المستخدم من قبل المصنع للعربيه الصني ايه وصناعه ايه لو تقدر وتعرف وفي بعض التجاريح في الاكصدام ينفع تترش دون رش الاكصدام بالكامل ولا لازم الاكصدام كامل يترش معلش طولت علي حضرتك ومشكور جدا

حضرتك بالنسبه للحفاظ علي الدهان اطول فتره ممكنه لو العربيه ميتالك اثناء رش الورنيش بعد البويه المط يفضل اضافة مصلب ( مثبت ) اسكنز خامته جيده جدا طبعا وبالبلدي بيعضم الورنيش ضد عوامل الجو الخارجيه بس من الملاحظ ان عربيت حضرتك لسه مرشتش يبقي تتبع الاتي في حالة وجود تراب علي السياره لازم تمسحه بحاجه زفره علشان التراب بيمرع البويه يعني بيخربشها عدم رمي مياه علي العربيه اثناء وجودها في الشمس وخاصة في الصيف
اما بالنسبه لنوع دهان السياره انا بصراحه معرفش بس خامة عاديه نظرا لاستهلاكهم كميات كبيره وعلي فكره لو دققت في العربيه اثناء استلامها لازم تلاقي غلطات

اما بالنسبه للأكصدامات لو اللون ميتالك لازم الاكصدام كله لأن لو اترش حته منه الورنيش بيعلم اسود حوالين المرمه المرشرشه اما لو اللون ساده ممكن ترش حته منه ثم يتم صنفرة الاكصدام بالكامل بصنفه ناعمه 1200 او 1500 ثم تلميعه بالكمبوند الفرن وليس الدوكو ثم بالبوليش
واسف علي التأخير