المشاركة الأصلية كتبت بواسطة حسام البورسعيدى
السرعة المناسبة لكل غيار تختلف حسب نوع العربية وسعة موتورها وعدد الغيارات اللى فيها ...
وكمان بتفرق حسب اسلوب السواقة وحالة الشارع (زحمة ولا فاضى)
لكن .. حاولى تكون سرعتك على كل غيار فى الحدود دى ...
الاول : من 0 الى 25
التانى : من 25 الى 40
التالت : من 40 الى 60
الرابع : من 60 الى 80
الخامس : فوق سرعة 80
طبعا السرعات دى مناسبة جدا للسواقة الهادية وهتريح الموتور ...
ولو عند حضرتك عداد RPM فى التابلوة حاولى انك تنقلى ما بين 2 و 3 RPM .. و ده هيكون فى حدود السرعات اللى قلت لحضرتك عليها .. وبكده هتحصلى على افضل اداء للموتور مع اقل استهلاك للبنزين ...
|
بس موضوع الار بي ام مرتبط بنوع العربية اللي معاها
وعلشان تاخد افضل اداء من العربية لازم تقرا الكتالوج او على الاقل تعرف اقصي عزم ليها بيطلع عند كام واقصي هورس باور بيطلع عند كام
وعلشان مش اطول في الشرح اقصي عزم في معظم العربيات ما بين 2500 - 3500 يبقى كده بيتاخد الغيار للثاني والثالث في المساحة دي
واقصي هورس باور بيطلع على حسب الماتور ممكن عند 4000 ممكن عند 5000 ممكن عند 5500 وده هتستفيد فيه في السرعات العاليه بس
وطبعا دواسة البنزين يتداس عليها بالتدريج علشان مش تاخد اقصي هورس باور في الاول وتيجي تدور عليه بعد كده على سرعات عاليه متلاقيهوش